எதுவாயினும் அது ஈசன் பாசம் - Whatever it may be, it is the Lord's love.

நினைப்புப் பேயே
கேள்

31

அறிந்து நின்றாலும் – அகப்பேய் – அஞ்சார்கள் சொன்னேனே

புரிந்த வல்வினையும் – அகப்பேய் – போகாதே உன்னை விட்டு

• எதை எப்படித் தெரிந்துகொண்டாலும் நீ செய்த வினை உன்னை விட்டுப் போகாது.

32

ஈசன் பாசமடி – அகப்பேய் – இவ்வண்ணங் கண்ட தெல்லாம்

பாசம் பயின்றதடி – அகப்பேய் – பரமது கண்டாயே

• எதுவாயினும் அது ஈசன் பாசம்

33

சாத்திர சூத்திரமும் – அகப்பேய் – சங்கற்பம் ஆனதெல்லாம்

பார்த்திடல் ஆகாதே – அகப்பேய் –பாழ் பலங்கண்டாயே

• சாத்திரம், சூத்திரம், சங்கற்பம் - எதுவாயினும் அது ஏதுமில்லாதது; பயனற்றது.  

34

ஆறு கண்டாயோ – அகப்பேய் – அந்த வினை தீர

தேறித் தெளிவதற்கே – அகப்பேய் – தீர்த்தமும் ஆடாயே

• வினை தீர, சிந்தனை தெளிந்தோடும் ஆற்றில் நீராடு.

35

எத்தனை காலமுந்தான் – அகப்பேய் – யோகம் இருந்தாலென்

முத்தனு மாவாயோ – அகப்பேய் – மோட்சமும் உண்டாமோ

• எத்தனைக் காலம் யோகம் செய்தாலும் நீ முத்தன் ஆகப்போவதில்லை. நீ மோட்சத்தை அடையப்போவதும் இல்லை.

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 35 / 90