வானுலகம் தித்திக்கும் தேன் - The celestial realm is sweet honey.

நினைப்புப் பேயே

கேள்

 

36

நாச மாவதற்கே – அகப்பேய் – நாடாதே சொன்னேனே

பாசம் போனாலும் – அகப்பேய் – பசுக்களும் போகாவே

• நாசமாகும் எதனையும் நாடாதே என்று சொன்னேனே - கேட்டாயா
• உன் உயிர் போனாலும் உலகம் போகாது

37

நாணம் ஏதுக்கடி – அகப்பேய் – நல்வினை தீர்ந்தக்கால்

காண வேணுமென்றால் – அகப்பேய் – காணக் கிடையாதே

• உன் நல்வினை தீர்ந்த பின்னர் இறைவனைக் காண விரும்பினால் காணமுடியாது

38

சும்மா இருந்து விடாய் – அகப்பேய் – சூத்திரஞ் சொன்னேனே

சும்மா இருந்தவிடம் – அகப்பேய் – சுட்டது கண்டாயே

• சும்மா இரு என்று சூத்திரம் சொன்னேனே -கேட்டாயா
• நீ துள்ளும்போது சும்மா இருந்த இடம் இப்போது உன்னைச் சுட்டுவிட்டதே
• இப்போது என்ன செய்வாய்?

39

உன்றனைக் காணாதே – அகப்பேய் – ஊனுள் நுழைந்தாயே

என்றனைக் காணாதே – அகப்பேய் – இடத்தில் வந்தாயே

• உன்னைப் பற்றி நினைக்காமல் உடம்புக்குள் நுழைந்தாயே
• என்னையும் உன்னால் காணமுடியவில்லையே

40

வானம் ஓடிவரில் – அகப்பேய் – வந்தும் பிறப்பாயே

தேனை உண்ணாமல்– அகப்பேய் – தெருவோடு அலைந்தாயே

• வானுலகம் உன்னைத் தேடி வரும்போது நீ ஏதோ என்று விட்டுவிட்டாய்
• வானுலகத் தேனை உண்ணாமல் தெருவில் வழிந்தோடும்படி விட்டுவிட்டாயே

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 40 / 90