நினைப்புக்கு வெட்கமே இல்லை - Thoughts know no shame.

நினைப்புப் பேயே

கேள்

 

41

சைவ மானதடி – அகப்பேய் – தானாய் நின்றதடி

சைவம் இல்லையாகில் – அகப்பேய் – சலம் வரும் கண்டாயே

• தானாய் வருவது சைவம்
• சைவம் இல்லையேல் சலம் (சலனம்)

42

ஆசை அற்றவிடம் – அகப்பேய் – ஆசாரங் கண்டாயே

ஈசன் பாசமடி – அகப்பேய் – எங்ஙனஞ் சென்றாலும்

• ஆசை இல்லாததுதான் ஆசாரம் --- Freedom from desire is true virtue.
• எங்குச் சென்றாலும் ஈசனின் பாசந்தான் தெரிகிறது. 

43

ஆணவ மூலமடி – அகப்பேய் – அகாரமாய் வந்ததடி

கோணும் உகாரமடி – அகப்பேய் – கூடப் பிறந்ததுவே

• ஆணவத்துக்கு அகரம் மூலம் 
• கோணலான உகரம் அகரத்துடன் கூடப் பிறந்தது

44

ஒன்றும் இல்லையடி – அகப்பேய் – உள்ளபடி யாச்சே

நன்றிலை தீதிலையே – அகப்பேய் – நாணமும் இல்லையடி

• நீ நினைத்தது நடக்கவில்லை 
• எதுவும் உள்ளபடி (நடக்கிறபடி) நடக்கிறது
• நடப்பது நன்றும் இல்லை; தீதும் இல்லை
• நினைப்புக்கு வெட்கம் என்பதே இல்லை
• எதையும் நினைக்கும் --- The mind can conceive of anything.

45

சும்மா இருந்தவிடம் – அகப்பேய் – சுட்டது சொன்னேனே

எம்மாயம் இதறியேன் – அகப்பேய் – என்னையும் காணேனே

• சும்மா இருந்தால் சுடும் என்று சொன்னேன். 
• இது என்ன மாயம்?
• எனக்கே தெரியவில்லை

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 45 / 90