நினைப்பு ஒரு அக்கினி - Thought is a fire.

நினைப்புப் பேயே

கேள்

 

46

கலைகள் ஏதுக்கடி – அகப்பேய் – கண்டார் நகையாரோ

நிலைகள் ஏதுக்கடி – அகப்பேய் – நீயார் சொல்வாயே

• கலைகள் உனக்கு எதற்காக
• (உனக்குச் சீலை எதற்காக)
• (பேய் சீலை கட்டிக்கொண்டிருப்பதைப் பார்த்தால் கண்டவர்கள் சிரிக்க மாட்டார்களா
• உனக்கென்று நிலைப்பாடு எதற்காக
• உண்மையில்  நீ யார்?

47

இந்து அமிர்தமடி – அகப்பேய் – இரவி விடமோடி

இந்து வெள்ளையடி – அகப்பேய் – இரவி சிவப்பாமே

• உனக்கு நிலா அமிழ்தம் என்றால், சூரியன் விடமோ
• நிலா வெள்ளை என்றால், சூரியன் சிவப்போ

48

ஆணல பெண்ணலவே – அகப்பேய் – அக்கினி கண்டாயே

தாணுவும் இப்படியே – அகப்பேய் – சற்குரு கண்டாயே

• நீ ஆணுமில்லை; பெண்ணுமில்லை; அக்கினி
• சிவனும் இப்படித்தான் இருக்கிறான்
• சிவன் என் சற்குரு

49

என்ன படித்தாலும் – அகப்பேய் – எம்முரை யாகாதே

சொன்னது கேட்டாயே – அகப்பேய் – சும்மா இருந்துவிடு

• நீ என்ன படித்தாலும் அது நான் சொல்வது போல் இருக்காது
• நான் சொல்வதைக் கேட்டுச் சும்மா இருந்தவிடு

50

காடும் மலையுமடி – அகப்பேய் – கடுந்தவம் ஆனால் என்

வீடும் வெளியாமோ – அகப்பேய் –மெய்யாக வேண்டாவோ

• காடு மலைகளில் தவம் இருந்தால் வீடு தென்படுமா
• நீ போலி நினைப்புகளை விட்டுவிட்டு உண்மையாக நடக்கும் நினைப்புகளைக் கொள்ளவேண்டாமா?

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 50 / 90