ஆனந்தமே இறைவன் - Bliss is God.

நினைப்புப் பேயே

கேள்

 

26

யோகம் ஆகாதே - அகப்பேய் – உள்ளது கண்டக்கால்

தேக ஞானமடி - அகப்பேய் – தேடாது சொன்னேனே

• யோகம் உடலுக்குப் பயிற்சி
• உள்பொருளைக் காணல் உடல்ஞானம்

27

ஐந்தலை நாகமடி – அகப்பேய் – ஆதாயங் கொஞ்சமடி

இந்த விடந்தீர்க்கும் – அகப்பேய் – எம் இறை கண்டாயே

• ஐம்புலனும் ஐந்து தலை நாகம்
• இதன் விடத்தை நீக்குபவன் இறைவன்

28

இறைவன் என்ற தெல்லாம் – அகப்பேய் – எந்த விதமாகும்

அறைய நீ கேளாய் – அகப்பேய் – ஆனந்த மானதடி

• இறைவன் எப்படி இப்பான்?
• ஆனந்த நிலையில் இருப்பான்

29

கண்டு கொண்டேனே – அகப்பேய் – காதல் கொண்டேனே

உண்டு கொண்டேனே – அகப்பேய் – உள்ளது சொன்னாயே

• இறைவன் ஆனந்தம் என்று கண்டுகொண்டேன்
• ஆனந்தம் பெறக் காதல் கொண்டேன்

30

உள்ளது சொன்னாலும் – அகப்பேய் – உன்னாலே காண்பாயே

கள்ளமுந் நீராதே – அகப்பேய் – கண்டார்க்குக் காமமடி

• நான் சொன்னாலும் நீதான் ஆனந்தம் காண வேண்டும்
• காமமே ஆனந்தம்

0 

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 30 / 90