சமயம் என்பது ஒரு நினவு - Religion is one's own perception.

நினைப்புப் பேயே

கேள்

 

21

எத்தனை சொன்னாலும் - அகப்பேய் – என் மனந் தேறாதே

சித்தும் மசித்தும் விட்டே - அகப்பேய் – சேர்த்து நீ காண் பாயே

• எத்தனைச் செய்திகளை எத்தனை முறை சொன்னாலும் நினைவில் நிற்கவில்லை
• எது சித்து, எது அசித்து என்றுகூட உனக்குத் தெரியவில்லை

22

சமய மாறுமடி - அகப்பேய் – தம்மாலே வந்தவடி

அமைய நின்றவிடம் - அகப்பேய் – ஆராய்ந்து சொல்வாயே

• ஆறு சமயங்களும் அவரவர் நினைவுகளால் தோன்றின

23

ஆறாரும் ஆகுமடி - அகப்பேய் – ஆகாது சொன்னேனே

வேறே உண்டானால் - அகப்பேய் – மெய்யது சொல்வாயே

• ஆர் சொன்னாலும் அது ஆறுதான் (ஒரு வகை வழிதான்)
• அது சமயம் ஆகாது
• வேறு ஏதாவது உனக்குத் தெரிந்திருந்தால் சொல்

24

உன்னை அறிந்தக்கால் - அகப்பேய் - ஒன்றையும் சேராயே

உன்னை அறியும் வகை - அகப்பேய் – உள்ளது சொல்வேனே.

• உன்னை நீ தெரிந்துகொண்டால் எந்தச் சமயத்தோடும் சேரமாட்டாய் 
• உன்னை நீ அறிந்துகொள்ளும் வழியைச் சொல்லுகிறேன்

25

சரியை ஆகாதே - அகப்பேய் – சாலோகங் கண்டாயே

கிரியை செய்தாலும் - அகப்பேய் – கிட்டுவது ஒன்றுமில்லை

• சரியை செய்யாமல் சாலோகம் கண்டாய்
• கிரியைச் சடங்குகள் செய்வதால் எந்தப் பலனும் இல்லை

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 25 / 90