ஐம்பூத அறிவுதான் தத்துவம் - Philosophy is the knowledge of the five elements.

நினைப்புப் பேயே
கேள் 

16

வன்னம் புவனமடி - அகப்பேய் – மந்திர தந்திரமும்

இன்னமும் சொல்வேனே - அகப்பேய் – இம்மென்று கேட்பாயே

• (வன்னம் என்னும் சொல் கோலத்தைக் குறிக்கும்
• கோலம் - அழகு
• அலங்கோலம் - அழகு கலைந்த நிலை)
• (வண்ணம் - நிறம்)
• உலகம் அழகிய கோலத்துடன் திகழ்கிறது
• மந்திர தந்திரங்களால் இயங்குகிறது.
• இவற்றைப் பற்றியெல்லாம் சொல்கிறேன்
• கேள்

17

அத்தி வரை வாடி - அகப்பேய் – ஐம்பத்தோர் அட்சரமும்

மித்தையாங் கண்டாயே - அகப்பேய் – மெய்யென்று நம்பாதே

• அத்து < அத்தி 
• சத்து < சத்தி (ஒப்புநோக்குக)
• நினைவே! கடைசி வரையில் என்னுடன் வா
• வடமொழி எழுத்துகள் 51
• இவை மித்தை (மாயை)
• இந்த எழுத்துக்களால் அமைந்த வேதத்தை மெய் என்று நம்பாதே. 

18

தத்துவம் ஆனதடி - அகப்பேய் – சகலமாய் வந்ததடி

புத்தியுஞ் சொன்னேனே - அகப்பேய் – பூத வடிவலவோ

• ஐம்பூதங்களில் பாயும் புத்திதான் தத்துவம் 

19

இந்த விதங்களெல்லாம் - அகப்பேய் – எம்இறை அல்லவடி

அந்த விதம் வேறே - அகப்பேய் – ஆராய்ந்து காணாயோ

• ஐம்பூதம், அவற்றின் புத்தி - இவற்றில் இறைவன் இல்லை
• இறைவன் இருப்பு-நிலை வேறு 
• இதனை ஆராய்ந்து கண்டுகொள்

20

பாவந் தீரவென்றால் - அகப்பேய் – பாவிக்க லாகாதே

சாவதும் இல்லையடி - அகப்பேய் – சற்குரு பாதமடி

• நினைவே!
• நீ செய்த பாவம் தீரவேண்டும் என்றால் எதையும் பாவிக்கக் கூடாது
• குருவின் திருவடி உன்னை விட்டுவிட்டுச் சாவதில்லை.

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 20 / 90