வேதம் முத்தி அன்று - The Vedas are not Liberation.

நினைப்புப் பேயே

கேள்

1

நஞ்சுண்ண வேண்டாவே – அகப்பேய் – நாயகன் தாள் பெறவே

நெஞ்சு மலையாதே –அகப்பேய் – நீ ஒன்றும் சொல்லாதே

• சிவன் நஞ்சை உண்டான். அவன் அடிகளைப் பெற, நஞ்சமே! நீ நஞ்சு  உண்ணவேண்டியதில்லை

2

பராபர மானதடி – அகப்பேய் - பரவையாய் வந்ததடி

தராதலம் ஏழ்புவியும் - அகப்பேய் - தானே படைத்ததடி

• அவன் பராபரம்
• பரவை (கடல்)
• தராதலம் (உலகம்) 7
• அனைத்தையும் அவன் படைத்தான்

3

நாத வேதமடி - அகப்பேய் – நன் நடம் கண்டாயோ

பாதஞ் சத்தியடி - அகப்பேய் – பரவிந்து நாதமடி

• அவனுடைய நாதம் வேதம்
• வேத ஒலி எழுப்பிப்பொண்டு நடனம் ஆடுகிறான்
• அவனுடைய பாதம் சத்தி
• அது பர விந்துநாதம்

4

விந்து நாதமடி - அகப்பேய் – மெய்யாக வந்ததடி

ஐந்து பெரும் பூதம் - அகப்பேய் – அதனிடம் ஆனதடி

• அவன் விந்துநாதத்திலிருந்து ஐம்பெரும் பூதங்கள் தோன்றின.

5

நாலு பாதமடி - அகப்பேய் – நன்னெறி கண்டாயே

மூல மான தல்லால் - அகப்பேய் – முத்தி அல்லவடி

• நாலு வேதமும் அவனுக்குப் பாதம்
• அவை நன்னெறிக்கு மூலம்
• அவை வெறும் மூலம் மட்டுமே
• அவற்றால் முத்தி பெறமுடியாது

0

அகப்பேய்ச் சித்தர் பாடல்கள் - அகம் என்னும் தன் நெஞ்சப் பேயைத் தானே விளித்துத் தனக்குக் கூறும் அறிவுரையாகப் பிறருக்குக் கூறுவது -- 5 / 90