இறைவனைப் பாவிக்காதே - Do not objectify God.

நினைப்புப் பேயே

நினைப்பே

கேள்

86

நாதாந்த உண்மையிலே – அகப்பேய் – நாடாதே சொன்னேனே

மீதான சூதானம் – அகப்பேய் – மெய்யென்று நம்பாதே

• நாதாந்தம் உண்மை
• என்றாலும் அதனைத் தேடிக்கொண்டிருக்காதே
• அது மேலே இருக்கும் சூது
• உண்மை என்று நம்பி நாதாந்த விளையாடு விளையாடாதே

87

ஒன்றோடு ஒன்று கூடில் – அகப்பேய் – ஒன்றுங் கெடுங்காணே

நின்ற பரசிவமும் – அகப்பேய் – நில்லாது கண்டாயே

• ஒன்றோடு ஒன்று சேர்ந்தால் தனித்தன்மை கெட்டுப்போகும். 
• நினைவில் பரமசிவம் நிற்காது

88

தோன்றும் வினைகளெலாம் – அகப்பேய் – சூனியங் கண்டாயே

தோன்றாமல் தோன்றிவிடும் – அகப்பேய் – சுத்த வெளிதனிலே

• சுத்த வெளியில் செய்யும் செயல் சூனியமாய் மறையும் 

89

பொய்யென்று சொல்லாதே – அகப்பேய் – போக்கு வரத்துதானே

மெய்யென்று சொன்னக்கால் – அகப்பேய் – வீடு பெறலாமே

• இறை உடலுயிரில் வந்து போகிறது
• இதை மெய் என்று நம்பினால் அது வீடுபேறு
• The Divine comes and goes within the body and soul;
• If one believes this to be the Truth, that is Liberation.

90

வேதம் ஓதாதே – அகப்பேய் – மெய் கண்டோம் என்னாதே

பாதம் நம்பாதே – அகப்பேய் – பாவித்துப் பாராதே

• வேதம் ஓதாதே
• மெய்யறிவு பெற்றோம் என்று நினைக்காதே
• இறைவனடிகளை நம்பாதே
• இறைவனைப் பாவிக்காதே

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 90 / 90

முற்றும்