இறைவன் நினைவலைகளுக்கு அப்பாற்பட்டவன் - The Divine transcends the waves of thought.

நினைப்புப் பேயே

நினைப்பே

கேள்

 

76

சாத்திரம் இல்லையடி – அகப்பேய் – சலனங் கடந்ததடி

பார்த்திடல் ஆகாதே – அகப்பேய் – பாவனைக் கெட்டாதே

• இறைவனுக்குச் சாத்திரம் இல்லலை
• இறைவன் நினைவலைகளுக்கு அப்பாற்பட்டவன்
• அவனைப் பார்க்க முடியாது
• பாவனை செய்யவும் முடியாது
• The Divine is beyond the scope of scriptures.
• The Divine transcends the waves of thought.
• It cannot be seen;
• Nor can it be conceived.

77

என்ன புடித்தால் என் – அகப்பேய் – ஏது தான் செய்தால் என்

சொன்ன விதங்களெலாம் – அகப்பேய் – சுட்டது கண்டாயே

• என்ன படித்தாலும்
• எது செய்தாலும்
• அவை நினைவைச் சுடுகின்றன

78

தன்னை அறியவேணும் – அகப்பேய் – சாராமற் சாரவேணும்

பின்னை அறிவதெலாம் – அகப்பேய் – பேயறி வாகுமடி

• உன்னையும் இறைவனையும் அறிந்துகொள்ள வேண்டும். 
• நீயும் இறைவனும் ஒன்றாகச் சாராமல் சார்ந்திருக்க வேண்டும்
• மற்றவை பேயறிவு

79

பிச்சை எடுத்தாலும் – அகப்பேய் – பிறவி தொலையாதே

இச்சை அற்றவிடம் – அகப்பேய் – எம்இறை கண்டாயே

• இறைவனிடம் பிச்சை கேட்டாலும் பிறவி தொலையாது
• ஆசை இல்லாத இடத்தில் இறைவன் இருப்பான் 

80

கோலம் ஆகாதே – அகப்பேய் – குதர்க்கம் ஆகாதே

சாலம் ஆகாதே – அகப்பேய் – சஞ்சலம் ஆகாதே

• வேடம் போட்டுக்கொள்ளாதே
• குதர்க்கம் (ஏட்டிக்குப் போட்டியாக எதையும்) பேசாதே
• மாயாசாலம் செய்யாதே 
• இவற்றால் சஞ்சலம் உண்டாகும்

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 80 / 90