கண்டுகொள்ளாமல் இறைவனைப் பார் - Disregard everything else and look at God.

நினைப்புப் பேயே

நினைப்பே

கேள்

 

61

வாசியி லேறியபடி – அகப்பேய் – வான் பொருள் தேடாயோ

வாசியில் ஏறினாலும் – அகப்பேய் – வாராது சொன்னேனே

• வாசியில் ஏறும்படிப் படி. / நினைவில் தங்குமாறு படி
• அதில் உயர்ந்த பொருளைத் தேடு
• அது நினைவுக்கு எட்டாது.

62

தூராதி தூரமடி – அகப்பேய் – தூரமும் இல்லையடிப்

பாராமற் பாரடியோ – அகப்பேய் – பாழ்வினைத் தீரவென்றால்

• இறை இருக்குமிடம் தூராதி தூரம்
• நீ நினைத்தால் அது தூரம் இல்லை
• கண்டுகொள்ளாமல் இறைவனைப் பார் / Disregard everything else and look at God.
• அதனால், உன்னைப் பாழாக்கும் வினை தீரும்.

63

உண்டாக்கிக் கொண்டதல்ல – அகப்பேய் – உள்ளது சொன்னேனே

கண்டார்கள் சொல்வாரோ – அகப்பேய் – கற்பனை அற்றதடி

• நினைவு இறைவனை உண்டாக்கிக் கொள்ளவில்லை
• இறைவன் நினைவாக இருக்கிறான்.
• கற்பனை அன்று. 
• கண்டவர்களால் சொல்ல முடியவில்லை
• Consciousness did not create God;
• Rather, God *is* Consciousness.
• It is not a mere figment of imagination.
• Those who have realized Him are unable to articulate it.

64

நாலு மறை காணா – அகப்பேய் – நாதனை யார் காண்பார்

நாலு மறை முடிவில் – அகப்பேய் – நற்குரு பாதமடி

• நான்கு வேதங்களாலும் பார்க்க முடியாத இறைவனை யாரால் பார்க்கமுடியும்? மறைந்திருக்கும் அது நற்குருவின்  பாதம். 

65

மூலம் இல்லையடி – அகப்பேய் – முப்பொருள் இல்லையடி

மூலம் உண்டானால் – அகப்பேய் – முத்தியும் உண்டாமே

• அது மூலமோ, முப்பொருளோ இல்லை. மூலம் இருந்தால் அதற்கு முத்தி (முடிவு) இருக்குமல்லவா?

0

அகப்பேய்ச் சித்தர் பாடல்கள் 

அகம் என்னும் தன் நினைவைப் 

பேய்ப்பெண்ணாக உருவகப்படுத்திக்கொண்டு, 

அவளை விளித்துக் கூறும் அறிவுரையாக,

பிறருக்குக் கூறும்

விளையாட்டுக் கண்ணி - பாடல் -- 65 / 90