சோறு கோண்டு வா

குரு நமசிவாயர் பசியால் வாடிய போதல்லாம் உமையவளைச் சோறு கொண்டுவா என்று பாடி உணவு பெற்றதாக, கூறப்படுகிறது.  

வெண்பாக்கள்

அண்ணா மலையார் அகத்துக்கு இனியாளே

உண்ணாமுலையே உமையாளே - நண்ணா

நினைதோறும் போற்றி செய நின் அடியார் உண்ண

மனைதோறும் சோறு கோண்டு வா

• அண்ணாமலை உண்ணா முலையாளே!
• அகத்துக்கு இனியவளே
• உன் அடியார்க்குச் சோறு கொண்டுவா 

தாய் இருக்கப் பிள்ளை  தளருமோ தாரணியில் 

நீ இருக நான் தளரல் நீதியோ - வேய் இருக்கும் 

தோளியே விண்ணோர் துதிக்கும் திருமுத்து 

வாளியே சோறு கொண்டு வா 

• தாய் இருக்கும்போது பிள்ளை பசியோடு இருக்கலாமோ
• சோறு கொண்டு வா

மின்னும்படி வந்த  மேக களத்து ஈசருடன் 

மன்னும் திருமுத்து வாளியே - பொன்னின் 

கலையாளே தாயே என் கல் மனத்தே நின்ற 

மலையாளே  சோறு கொண்டு வா 

• ஈசனுடன் இருக்கும் பின்னலே
• பொன்னின் கலையே
• என் கல் மனத்தில் இருக்கும் மலைமகளே
• சோறு கொண்டு வா 

நன்றி புனையும் பெரியநாயகி எனும் கிழத்தி 

என்றும் சிவன்பால் இடக்கிழத்தி - நின்ற

நிலக்கிழத்தி மேனி முழு நீலக் கிழத்தி 

மலைக்கிழத்தி சோறு கொண்டுவா 

• பெரியநாயகி
• சிவனின் இடக்கிழத்தி
• நிலக் கிழத்தி
• நீலக் கிழத்தி
• மலைப் கிழத்தி 
• சோறு கொண்டு வா

முத்த நதி சூழும் முதுகுன்றத்து உறைவாளே 

பத்தர் பணியும் பதத்தாளே - அத்தர் 

இடத்தாளே மூவா முலை மேலே ஊரும் 

வடத்தாளே சோறு கொண்டு வா 

• மணிமுத்தாறு பாயும் முதுகுன்றத்தவளே
• பத்தர் தொழும் பதம் கொண்டவளே
• சோறு கொண்டு வா

ஊன் பயிலும் காயம் உலராமல் உன்றனது 

வான் பயிலும் பொன்னடியை வாழ்த்துவேன் - தேன் பயிலும் 

சொல்லியல் நல்லார் துதிக்கும் சிவகாம

வல்லியே சோறு கொண்டு வா.       

• உன் பொன்னடியை வாழ்த்துவேன் 
• சோறு கொண்டு வா

கொண்டுவந்தேன் சோறு குகை நமச்சிவாயரது 

தொண்டர் அடி சுகிக்கவே - பண்டு உகந்த 

பேய்ச்சி முலை உண்ட பெருமாளுடன் பிறந்த

தாய்ச்சி சிவகாமி நான்

• குகை நமச்சிவாயர் தொண்டன் சுகிக்க சோறு கொண்டுவந்தேன் 
• நான் சிவகாமி
• பேய்ச்சி முலை உண்டு அவளைக் கொன்ற பெருமாளுடன் பிறந்தவள் நான்

குகை நமசிவாய தேவரின் மாணாக்கர் குருநமசியர். இவர் பாடிய நூல் பரமராசிய மாலை. இது 100 பாடல் கொண்டது. அவற்றில் சில:  

மு அருணாசலம், தமிழ் இலக்கிய வரலாறு, \16 ஆம் நூற்றாண்டு, பாகம் 3, பக்கம் 166