சொல்லும் பொருளும் (அடியார்க்கு நல்லார்)

அடியார்க்கு நல்லார் உரையில் எண்ணற்ற சொற்களும், தொடர்களும் சுவையான பொருளை உணர்த்துகின்றன. அவற்றுள் சில:

அத்திரி

• கோவலன் இராச வாகனமாகிய அத்திரி ஏற
• அத்திரி - கோவேறு கழுதை

இடம் பிடித்தல்

• பெருநீர் இடம் பிடிக்க விரைந்து செல்லும் மக்களோடு 
• (பேருந்தில் இடம் பிடிக்க - இக்காலம்)

உண்டல் = உறுதல் (துணைவினை)

• கட்டுண்டான் - கட்டப்பட்டான் - கட்டுற்றான் 

கடன்

• தன்னைத் தான் இடும் பலிக் கடன்

"அக்கழுத்தினுடன் சிரத்தை அரிவர் ஆலோ

அரிந்த சிரம் அணங்கின் கைக் கொடுப்பர் ஆலோ

கொடுத்த சிரம் கொற்றவையைத் துதிக்கும் ஆலோ

குறை உடலம் கும்பிட்டு நிற்கும் ஆலோ (கலிங்கத்துப் பரணி)

சாத்தன் 

• மகாசாஸ்தா
• ஐயனார் 
• சாத்திரங்களைப் பயின்ற மகாசாத்திரன்

புனிதன் (அருகன் பெயர்)

• புதியவன்

புராணன் (அருகன் பெயர்)

• பழையவன்

பண்ணை

• ஓடைகள் பாயும் வயல் 

பொறை

• மண் மேடிட்டிருக்கும் சிறு மலை

திசைமுகம் பசந்து

• திசையாகிய முகமானது மாலை வேலையில் பொன்-நிறம் பெற்று
• காடுகிழாள் வெயில்
• பசலை - பீர்க்கம்பூ நிறம் - பொன் நிறம்

முகவைப் பாட்டு

• முகந்து அளக்கும்போது எண்ணலைப் பண்ணிசையுடன் பாடும் பாட்டு
• கயிறு குறு முகவை
• ஏற்றம் இறைக்கும்போது பாடும் ஏற்றப்பாட்டு 

வச்சிரம் 

• இருதலைச் சூலம் 
• நடுவில் பிடித்து எந்தப் பக்கத்திலும் வீசக்கூடிய படைக்கருவி

"காதல் கொழுநனைப் பிரிந்து அலர் எய்தா

மாதர்க் கொடுங்குழை மாதவி தன்னொடு"

• புகாரில் இந்திர விழா
• வேனில் காலம் 
• மாதவி, முல்லை, மல்லிகை, மயிலை, தாழியில் வளர்த்த குவளை, செங்கழுநீர் மலர்களால் கட்டப்பட்ட மாலை அணிவிக்கப்பட்ட யாழை மாதவி கோவலன் கையில் தருகிறாள். 
• இவற்றில் மாதவிப் பூ மட்டும் மேலே கண்டவாறு விளக்கிக் கூறப்பட்டுள்ளது. 
• இதற்கு அடியார்க்கு நல்லார் உரை எழுதும்போது 
• மாதவி பூவுக்குத் தரப்பட்டுள்ள அடைமொழித்தொடர் மாதவிக்கும் கண்ணகிக்கும் பொருந்தும் என்று காட்டி உரை எழுதுகிறார். 
• காதலனைப் பிரிந்திருக்கும்போதும் அலர் தூற்றப்பபடாதவள் மாதவி, கண்ணகி ஆகிய இருவரும் என்று குறிப்பிட்டுக் காட்டுகிறார். 

ஆறிய கற்பு, சீறிய கற்பு

• இந்தத் தொடர் இன்று மேடைகளில் முழங்கப்படுகிறது
• இந்தத் தொடரை அன்றே குறிப்பிட்டவர் அடியார்க்கு நல்லார். 
• மாதவி ஆறிப்போன கற்புடையவளாகத் திகழ்ந்தாள்
• கண்ணகி சீற்றம் கொண்ட கற்புடையவளாக மாறினாள்

மு. அருணாசலம், தமிழ் இலக்கிய வரலாறு, 12ஆம் நூற்றாண்டு பாகம் 2, பார்க்கர் அச்சகம் பதிப்பு, 1973, பக்கம் 40