அறி (தொழிற்பெயர்)

அறிவன் - அறி வ் அன்

• அறிவாக இயங்கும் இறைவனின் அடிகளைத் தொழ வேண்டும். 
• கற்றதனால் ஆய பயன் என்-கொல் வால்_அறிவன் நல் தாள் தொழாஅர் எனின் 

அறிகல்லாதவர் - அறி (அறிகு) அல்லாதவர்

• நடக்கப்போவதை அறிய முடியாதவர் அறிவு இல்லாதவர்
• அறிவுடையார் ஆவது அறிவார் அறிவிலார் அஃது  அறிகல்லாதவர்

அறிகிலார் - அறி (ஆறிகு) இலார்

• அவனோடு நான் கொண்டிருக்கும் உறவு மற்றவருக்குத் தெரியாது என்று நினைத்துக்கொண்டு தெருவுக்கே வந்து பகட்டிக்கொள்கிறது.  
• அறிகிலார் எல்லாரும் என்றே என் காமம் மறுகில் மறுகும் மருண்டு

அறியாமை (அறி ஆ மை) எதிர்மறை வினை

• ஒருவன் தான் விரும்புவதைப் பிறர் அறியாமல் செயல்படுத்தினால், அதனைத் தடுக்கப் பிறர் செய்யும் சூழ்ச்சி (நூல்) செல்லுபடி ஆகாது. 
• காதல காதல் அறியாமை உய்க்கிற்பின் ஏதில ஏதிலார் நூல் 

• ஒருவன் தன் கைத்திறனை அறியாமல், காசு கொடுத்துக் கள்ளை வாங்கி உண்டு, தன் உடம்பை ஒருவன் மறந்து செயல்படுவது அவனது அறியாமையால் நிகழ்கிறது. 
• கை அறியாமை உடைத்தே பொருள் கொடுத்து மெய் அறியாமை கொளல்

• ஒருவன் ஒன்றை அறியும்போது, அறியவேண்டியது இன்னும் இருப்பதை உணர்கிறான். அதுபோல, காமம் துய்க்கும் ஒருவர் துய்க்கவேண்டிய இன்பம் இன்னும் இருப்பதை அறிகிறார். 
• அறி-தோறு அறியாமை கண்டு அற்றால் காமம் செறி-தோறும் சே_இழை-மாட்டு

அறிவாண்மை (அறிவு ஆளுமை) 

• வாலறிவு பற்றிக் கண்டோம். இங்குச் சொல்லப்படுவது அதற்கு எதிர்மறையான காரறிவு. இது இருள்அறிவு. பொருள் இருளில் கண்ணுக்குப் புலப்படாது. அதுபோலத் திருட்டுத்தனத்துக்கு நல்ல செயல் எது என்று புலப்படாது. திருடுதலை வள்ளுவர் கார்அறிவு என்று குறிப்பிடுகிறார். 
• களவு என்னும் கார் அறிவாண்மை அளவு என்னும் ஆற்றல் புரிந்தார்-கண் இல் 

அறிவுடையார்-கண்ணும் (அறிவு உடையார்)

• தலைவன் பொருள் தேடுவதற்காகப் பிரியத்தான் வேண்டியிருக்கும். இதனைத் தலைவி நினைத்துப் பார்க்கிறாள். 
• அரிது அரோ தேற்றம் அறிவுடையார்-கண்ணும் பிரிவு ஓர் இடத்து உண்மையான் 

அறிவுடையான் (அறிவு உடையான்) 

• ஒருவனுக்குத் துன்பம் வெள்ளம் போன்று பெருக்கெடுத்து வந்தாலும், அவன் அறிவுடையவனாக இருந்தால், நினைத்த மாத்திரத்திலேயை அவனால் அந்தத் துன்பத்தைப் போக்கிக்கொள்ள முடியும். 
• வெள்ளத்து அனைய இடும்பை அறிவுடையான் உள்ளத்தின் உள்ள கெடும் 

அறிவும் 

• உழைப்பு, அறிவு ஆகிய இரண்டும் தொடர்ந்து செயல்பட்டால் குடும்பம் உயரும். 
• ஆள்வினையும் ஆன்ற அறிவும் என இரண்டின் நீள் வினையான் நீளும் குடி