நூழிலாட்டு 7-16

• தன் மார்பில் பாய்ந்த வேலைப் பிடுங்கிப் பகைவன் மேல் எறிந்தது பற்றிக் கூறுவது நூழில் ஆட்டு என்னும் புறப்பொருள் துறை ஆகும். 

இதனைச் சொல்லும் மேற்கோள் பாடல்:

மொய்யகத்து மன்னர் முரண் இனி என் ஆம் கொல் 

கையகத்துக் கொண்டான் கழல் விடலை - வெய்ய

விடு சுடர் சிந்தி விரை அகலம் போழ்ந்த 

படு சுடர் எஃகம் பறித்து. 

• வீரக் கழல் அணிந்த அந்த விடலை தன் மார்பில் பாய்ந்த வேலைப் பறித்துக் கையில் வைத்துக் கொண்டிருக்கிறான். போர்க்களத்தில் மொய்க்கும் முரண்பாடு இனி என்ன ஆகும்? (அவனுக்கு வெற்றியை உண்டாக்கும்).

கைவேல் களிற்றொடு போக்கி வருபவன்
மெய் வேல் பறியா நகும். (திருக்குறள்) 

தும்பைப்படலம் / தும்பைத்திணை

புறப்பொருள் வெண்பா மாலை PDF பக்கம் 97

பாடல் - சொல் பிரிப்பு

புதுப்புது சொற்றொடர்