தன்மை அணி - தொழில்

வண்டு செய்யும் தொழிலை விளக்கும் பாடல்

இது தொழில் தன்மை

சூழ்ந்து முரன்று அணவி வாசம் துதைந்து ஆடி 

தாழ்ந்து மது நுகர்ந்து தாது அருந்தும் - வீழ்ந்த பெரும்

பாசத்தார் நீங்காப் பரஞ்சுடரின் பைங்கொன்றை

வாசத் தார் நீங்காத வண்டு. 

சிவனின் கொன்றை மாலையை நீங்காத வண்டு அந்த மாலையை,

சுற்றும்

முரலும் / பாடும்

மேலே எழும்பும்

வாசத்தில் மூழ்கி ஆடும்

பூவில் அமரும்

அதில் உள்ள தேனை உண்ணும்

பூந்தாதுகளைத் தின்னும்

இவை வண்டு செய்யும் தொழில்கள் 

எந்தப் பொருளாய் இருந்தாலும் அதன் மெய்மைக் கூறுகளை விளக்குவது தன்மை அணி

தண்டியலங்காரம் PDF பக்கம் 59

மேற்கோள் வெண்பா பதிவு - சொல் பிரிப்பு