கடைநிலைப் பொருள் தீவகம்

பாடலின் கடைசியில்  நிற்கும் ஒரு பொருட்பெயர் பிறவற்றோடும் சேர்ந்து பொருள் தருமாறு அமைவது  கடைநிலைப் பொருள் தீவகம்

பாடல் - எடுத்துக்காட்டு

புறத்தன ஊரன நீரன மாவின்

திறத்தன கொற்சேரியவே - அறத்தின்

மகனை முறை செய்தான் மாவஞ்சியாட்டி

முகனை முறை செய்த கண்

பாடல் - செய்தி

அறநெறியை நிலைநாட்ட மகனைத் தேர்க்காலில் இட்டு ஏற்றிக் கொன்றவன் மனுநீதிச் சோழன். அவன் ஊரில் வஞ்சிக்கொடி போன்ற ஒருத்தி. அவள் பெயர் மாவஞ்சியாட்டி. அவள் முகத்தை முறைப்படுத்திய (ஒழுங்குபடுத்திய, அழகுபடுத்திய) கண் 

• கண் காட்டிலிருக்கும் மான் போன்றது
• கண் நாட்டிலிருக்கும் அம்பு போன்றது
• கண் மாவடு போன்றது
• கண் கொல்லன் சேரியில் வடிக்கும் வாள் போன்றது

குறிப்பு

கண் என்பது ஒரு பொருள். இது பாடலின் கடைசியில் நின்று பிறவற்றுக்கும் ஒளி தரும் விளக்காக இருப்பதால் இது கடைநிலைப் பொருள் தீவகம்

தீவக அணி

தண்டியலங்காரம் PDF பக்கம் 108 | நூல் பக்கம் 83

நூல் - பொருளடக்கம்

தமிழ்வளப் பாடல்கள் 

பாடலில் அணிகள் 

அணியிலக்கணம்

மேற்கோள் வெண்பா பதிவு - சொல் பிரிப்பு