மூத்த நாயனார் திருஇரட்டை மணிமாலை 8

வெண்பா

விநாயகனே வெவ்வினையை வேரறுக்க வல்லான்

விநாயகனே வேட்கைதணி விப்பான் - விநாயகனே

விண்ணிற்கும் மண்ணிற்கும் நாதனுமாந் தன்மையினால்

கண்ணிற் பணிமின் கனிந்து.  5  

• வெவ்வினையை வேரறுக்க வல்லவன்
• நம் வேட்கையைத் தணிவிப்பவன்
• விண்ணுக்கும் மண்ணுக்கும் நாதன்

கட்டளைக் கலித்துறை

கனிய நினைவொடு நாடொறும் காதற் படும் அடியார்க்

கினியன் இனியொரு இன்னாங் கிலம்எவ ரும்வணங்கும்

பனிவெண் பிறைநறுங் கொன்றைச் சடைப்பலி தேரியற்கை

முனிவன் சிறுவன் பெருவெங்கொல் யானை முகத்தவனே.  6  

• அடியார்க்கு இனியன் 
• அவனைப் போற்றும் எனக்கு இன்னாங்கு (துன்பம்) இல்லை
• கொன்றைச்சடை முனிவன் சிறுவன் 
• அவன் கொல்யானை

வெண்பா

யானை முகத்தான் பொருவிடையான் சேய் அழகார்

மான மணிவண்ணன் மாமருகன் - மேல்நிகழும்

வெள்ளக் குமிழி மதத்து விநாயகன் என்

உள்ளக் கருத்தின் உளன்.  7  

• யானை முகத்தன்
• விடையான் சேய்
• மணிவண்ணன் மருகன் 

கட்டளைக் கலித்துறை

உளதள வில்லதோர் காதலென் நெஞ்சில்வன் நஞ்சமுண்ட

வளரிள மாமணி கண்டன்வண் டாடுவண் கோதைபங்கத்

திளவளர் மாமதிக் கண்ணியெம் மான்மகன் கைம்முகத்துக்

களகள மாமதஞ் சேர்களி யானைக் கணபதியே.  8  

நஞ்சமுண்ட மணிகண்டன் மகன்

கை முகத்துக் களியானை 

கபிலதேவ நாயனார் அருளிய மூத்த நாயனார் திருஇரட்டை மணிமாலை (மூத்த நாயனார் என்பவர் விநாயகர். இதில் உள்ளவை விநாயகரைப் போற்றும் பாடல்) - 11 ஆம் திருமுறை - 10 ஆம் நூற்றாண்டு நூல்.

கை முகத்துக் களியானை