திருமந்திரம் தொகுப்புப் பாடல்கள் Tirumanthiram Collections 3087

உருகிப் புறப்பட்டு உலகை வலம் வந்து 

செருகிக் கிடக்கும் துறை அறிவார் இல்லை

செருகிக் கிடக்கும் துறை அறிவாளர்க்கு

உருகிக் கிடக்கும் என் உள்ளன்பு தானே    3083

• அவன் நாம் நீராட நமக்குள் செருகிக் கிடக்கும் துறை

எட்டினில் எட்டும் அதில் ஒட்டிரட்டியும் 

கட்டியை விட்டுக் கலந்து உண்ண மாட்டாமல்

பட்டினி விட்டும் பலவிதம் தேடியும்

எட்டும் இரண்டும் அறியாத மாக்களே    3084

• பட்டினி விரதம் முதலானவற்றால் அவனைத் தேடிப் பயன் இல்லை

கோயிலும் அஞ்சு உள கோபுரம் மூன்று உள 

கோயில் அடைக்கக் கதவோ இரண்டு உள

கோயில் திறந்து கும்பிட வல்லார்க்கு 

கோயிலுக்கு உள்ளே குடியிருந்தானே    3085

• அவன் உடல், உள்ளம் என்னும் 2 கோயிலுக்குள் குடியிருக்கிறான்

நாதன் இருக்கும் நடு மண்டபத்துள்ளே

நாதாங்கி இல்லாமல் நாலஞ்சு வாசல் 

ஆதாரம் ஏது என்று அறிய வல்லார்க்கு 

வேதாவின் ஓலை வீண் ஓலை ஆமே    3086

• நடு மண்டபத்துக்குக் கதவு இல்லாமல் 4, 5 வாசல். 

அநாதி சொரூபி ஆகிய ஆன்மா

தனாதி மலத்தால் தடைப்பட்டு நின்றன

தனாதி மலமும் தடை அற நீங்கிடில்

அநாதி சிவத்துடன் ஒன்றான வாறே    3087

• ஆன்மா மலத்தால் தடைபட்டுக் கிடக்கிறது

உரைநூல்களில் காணப்பட்ட பாடல்கள் 

திருப்பனந்தாள், காசி மடம் பதிப்பு, 2003