திருமந்திரம் தொகுப்புப் பாடல்கள் Tirumanthiram Collections 3082

சொன்னம் குகை மூன்று தான் பச்சிலை

மின்ன அரைத்து வை வெள்ளி பொன் ஆயிடும் 

வன்னம் பதி இந்த வாசி கொண்டு ஊதிடில் 

சொன்னம் வாஞ்சித்து ஒன்றும் என் சிந்தையே    3078 

• தங்கக் குகையில் பச்சிலை மூன்றை (காமம், வெகுளி, மயக்கம்)  அரைத்து வை. வெள்ளி பொன்னாக மாறும்.

இருவர் இருந்திடம் எண்டிசை அண்டம் 

அரி பிரமாதிகள் ஆரும் அறிந்திலர்

பரிதியும் சோமனும் பாரும் உம்மிடத்தே

கருதி முடிந்து இடம் சொல்ல ஒண்ணாதே    3079

• ஞாயிறு, திங்களை உனக்குள்ளே பார்

கோத்த கோவை குலையக் குருபரன்

சேத்த சேவடி சென்னியில் வைத்து ஒரு

வார்த்தை சொல்லி வழக்கு அறுத்து ஆண்டவன்

பார்த்த பார்வை பசுமரத்து ஆணியே    3080

• குருபரன் பார்வை பசுமரத்து ஆணி போல் பதிகிறது

வேதாந்தம் சித்தாந்தம் என்னும் இரண்டும்

போதாந்தம் ஆன புரந்தரன் வாழ்வு ஒன்று 

நாதாந்தமான ஞானம் கை கூடாதேல்

சேதாந்தமான செனனம் ஒழியாதே    3081

• அவன் அறிவு. அது கைகூடாவிட்டால் பிறப்பு ஒழியாது

ஆதாரம் ஆறு அல்ல அப்பால் நடம் அல்ல 

ஓதா ஒளி அல்ல உன் மந்திரம் அல்ல 

வேதாகமத்தில் விளங்கும் பொருள் அல்ல

சூதான நந்தி சொல் உபதேசமே    3082

• சிவன் சொல்லே மந்திரம்

உரைநூல்களில் காணப்பட்ட பாடல்கள் 

திருப்பனந்தாள், காசி மடம் பதிப்பு, 2003