கார் எட்டு - Song of the Rainy Season: Eight

 5.7. 

கார் எட்டு

• கார் காலத்தில் தோன்றும் மேகம், இடி, மின்னல், பூக்கும் மலர்கள் எல்லாமே சிவன் உருவத்தை நினைவூட்டுகின்றன.
• The clouds, thunder, lightning, and blooming flowers that appear during the rainy season—all of them evoke the form of Lord Shiva.

492

அரவம் அரைக்கசைத்த அண்ணல் சடைபோல்

விரவி எழுந்தெங்கும் மின்னி - அரவினங்கள்

அச்சங்கொண் டோடி அணைய அடைவுற்றே

கைச்சங்கம் போல்முழங்கும் கார். 1

• சிவன் தன் இடையில் கட்டிய புலித்தோல் ஆடை நழுவாமல் இருக்க, பாம்பைக் கயிறாகக் கட்டியிருப்பவன். 
• கார்மேகம் அவன் சடை நிறத்தில் மின்னிற்று. 
• சங்கு போல் முழங்கிற்று.
• பாம்பு இனங்கள் அச்சத்தால் பதுங்கிக்கொண்டன 

493

மையார் மணிமிடறு போற்கருகி மற்றவன்தன்

கையார் சிலை விலகிக் காட்டிற்றே - ஐவாய்

அழலரவம் பூண்டான் அவிர்சடைபோல் மின்னிக்

கழலரவம் காண்புற்ற கார். 2

• சிவன் ஐந்தலை நாகத்தை அணிகலனாகப் பூண்டவன்
• மேகம் அவன் மணிமிடறு போல் கருநிறம் கொண்டிருக்கும்
• அவன் கையிலிருக்கும் வில் போன்ற மின்னலால் பிளக்கும்
• அவன் சடை நிறம் காட்டி மின்னும் 
• அவன் கழலும் மின்நிறம் கெற்றிருக்கும் 

494

ஆலமர் கண்டத் தரன்தன் மணிமிடறும்

கோலக் குழற்சடையும் கொல்லேறும் - போல

இருண்டொன்று மின்தோன்றி அம்பொனவ் வானம்

கருண்டொன்று கூடுதலிற் கார். 3

• மேகம் கறுப்பு
• அரன் மணிமிடறு போல் கறுப்பு
• அவன் ஏறு போல் வானில் செல்லும் 
• இரண்டொரு மின்னல்களைத் தோற்றுவிக்கும்

495

இருள்கொண்ட கண்டத் திறைவன்தன் சென்னிக்

குருள்கொண்ட செஞ்சடைமேல் மின்னிச் - சுருள்கொண்டு

பாம்பினங்கள் அஞ்சிப் படம்ஒடுங்க ஆர்த்ததே

காம்பினங்கள் தோள்ஈயக் கார். 4

• மேகம் சிவன் கண்டம் போல் இருண்டிருக்கும்.
• அவன் சடை போல் மின்னும் 
• அப்போது அஞ்சும் பாம்பு படம் எடுக்காது
• மூங்கில் தீப்பற்றி எரியும்

496

கோடரவங் கோடல் அரும்பக் குருமணிகான்

றாடரவம் எல்லாம் அளையடைய - நீடரவப்

பொற்பகலம் பூண்டான் புரிசடைபோல் மின்னிற்றே

கற்பகலம் காண்புற்ற கார். 5

• கார் காலத்தில் கோடல் மலர் பூக்கும்
• குன்றிமணி காய்க்கும் 
• இடி மின்னலில் பாம்பு பதுங்கிகொள்ளும்

497

பாரும் பனிவிசும்பும் பாசுபதன் பல்சடையும்

ஆரும் இருள்கீண்டு மின்விலகி - ஊரும்

அரவஞ் செலவஞ்சும் அஞ்சொலார் காண்பார்

கரவிந்தம் என்பார்அக் கார். 6

• சிவன் பாசுபதம் தருபவன்
• அவன் சடை, ஆத்திமாலை போல் கார்கால மின்னல் தோன்றும். 
• அரவினம் நகர அஞ்சும் 

498

செழுந்தழல் வண்ணன் செழுஞ்சடைபோல் மின்னி

அழுந்தி அலர்போல் உயர - எழுந்தெங்கும்

ஆவிசோர் நெஞ்சினரை அன்பளக்க உற்றதே

காவிசேர் கண்ணாய்அக் கார். 7

• சிவன் தழல் வண்ணன்
• அவன் சடைபோல் மேகம் மின்னும் 
• பொருளுக்காகப் பிரிந்திருக்கும்  காதலரின் அன்பை அளவிடுவதற்காகக் கார்காலம் வரும்.  

499

காந்தள் மலரக் கமழ்கொன்றை பொன்சொரியப்

பூந்தளவம் ஆரப் புகுந்தின்றே - ஏந்தொளிசேர்

அண்டம்போல் மீதிருண்ட ஆதியான் ஆய்மணிசேர்

கண்டம்போல் மீதிருண்ட கார். 8

• கார்மேகம் சிவன் கண்டம் போல் இருண்டிருக்கும். 
• காந்தள், கொன்றை, தளவம் பூக்கும் பருவம் கார்காலம்.

திருச்சிற்றம்பலம்

நக்கீரதேவ நாயனார் பாசுரங்கள் --- 11 ஆம் திருமுறை