திருமந்திரம் தொகுப்புப் பாடல்கள் Tirumanthiram Collections 3094

வாசலின் கீழே படுகுழி மூன்று உள

ஊசி இருக்கும் பழஞ்சோற்று இருங்குழி

ஊசி இருக்கும் பழஞ்சோற்றை நாய் தின்ன

வாசல் இருந்தவர் வாய் திறவாரே     3091

• ஊசிய உடலை நாய் தின்ன மற்றவர் பார்த்துக்கொண்டிருக்கின்றனர்

முத்துப் பவளம் பச்சை என்று இம் மூன்றும் 

ஒத்துப் புணரும் உணர்வை அறியார்

ஒத்துப் புணரும் உணர்வை அறிந்த பின்

கொத்துப் படும் கொக்கு போல் குருவாயே    3092

• மனம் வாக்கு செயல் மூன்றும் ஒத்துப்போவதில்லை

பண் நாதப் பேரொளிக்கு அப்புறத்து அப்புறம் 

எண் நாயகனார் இருந்து அங்கு இருந்திடம்

உன்னா வெளியது உரை செயா மந்திரம்

சொன்னான் கழல் முன் அறிந்து அமர்ந்தோமே     3093

• உரைசெயா மந்திரம்

ஆரை பழுத்துக் கிடக்குது வையகம்

ஆரையைச் சூழ நீர் கோத்து நிற்குது

ஆரை பறித்துக் கறி உண்ண மாட்டாமல்

கீரைக்கு நெல் இட்டுக் கெடுக்கின்ற வாறே    3094

• ஆரைக் கீரையை (பொன்னாங்கண்ணிக் கீரையை)ப் பறித்து நெல்லஞ்சோற்றோடு உண்ண வேண்டும்.

உரைநூல்களில் காணப்பட்ட பாடல்கள் 

திருப்பனந்தாள், காசி மடம் பதிப்பு, 2003