திருக்குறள் பாவுரை Tirukkural-Pavurai 131-140

14 ஒழுக்கம் உடைமை

ஒழுக்கமே உயிரினும்மேல் 131 ஓம்புவதே உற்றதுணை 132

ஒழுக்கமெனும் செல்வத்தால் உயர்பிறப்பு எய்திடலாம் 133

இழுக்கத்தால் பார்ப்பானும் இழிபிறப்பாய் மாறிவிடும் 134

ஒழுக்கமிலார்க்(கு) உயர்வில்லை 135 ஒல்கிடினும் பெருந்துன்பம் 136

வழுக்குவதால் பழிஎய்தும் வழுவாக்கால் மேன்மைவரும் 137

ஒழுக்கமொரு விதையாகும் உதவியெனும் பயன்நல்கும் 138

ஒழுக்கத்தில் வாழ்பவர்கள் உரைதீதில் வழுக்காது 139

ஒழுக்கநெறி உள்ளவரோ(டு) ஒட்டுறவாய் வாழ்வதுமேல் 140

இது திருக்குறள் பாவுரை

அடியேன் பொதுவன் அடிகள் இயற்றியது 2006

 

பார்ப்பான் உயர்ந்த பிறப்பா?

திருக்குறள் மூலம்

பரிமேலழகர் குறள் வைப்பு முறை

சொல் பிரிப்புப் பதிவு

இரண்டு அடிகள் ஒரே வரியில்

ஒழுக்கமுடைமை

ஒழுக்கம் விழுப்பந் தரலான் ஒழுக்கம் \ உயிரினும் ஓம்பப் படும். 131

பரிந்தோம்பிக் காக்க ஒழுக்கம் தெரிந்தோம்பித் \ தேரினும் அஃதே துணை. 132

ஒழுக்கம் உடைமை குடிமை இழுக்கம் \ இழிந்த பிறப்பாய் விடும். 133

மறப்பினும் ஓத்துக் கொளலாகும் பார்ப்பான் \ பிறப்பொழுக்கங் குன்றக் கெடும். 134

அழுக்கா றுடையான்கண் ஆக்கம்போன்று இல்லை \ ஒழுக்க மிலான்கண் உயர்வு. 135

ஒழுக்கத்தின் ஒல்கார் உரவோர் இழுக்கத்தின் \ ஏதம் படுபாக் கறிந்து. 136

ஒழுக்கத்தின் எய்துவர் மேன்மை இழுக்கத்தின் \ எய்துவர் எய்தாப் பழி. 137

நன்றிக்கு வித்தாகும் நல்லொழுக்கம் தீயொழுக்கம் \ என்றும் இடும்பை தரும். 138

ஒழுக்க முடையவர்க்கு ஒல்லாவே தீய \ வழுக்கியும் வாயாற் சொலல். 139

உலகத்தோடு ஒட்ட ஒழுகல் பலகற்றும் \ கல்லார் அறிவிலா தார் 140

திருக்குறள் விளக்கம்

திருக்குறள் ஆங்கிலத்தில்