நற்றிணை Natrinai 276

இக்காலச் சிறுமியர்
ஆடிக் காட்டும் குரவை நடனம்
சொடுக்கித் திறந்து
நடனம் காணுங்கள்

கொம்பு ஊதிக்கொண்டு, 

வேட்டையைக் கவ்விப் பிடிக்கும் நாயுடன் 

காட்டில் அலைந்து உணவு தேடி உண்டு வாழும் 

வேட்டுவ வயவர் மகளிர் 

என்று எங்களை அழைப்பீராயின் 

அது சரிதான். 

நாங்கள் குன்றில் வாழும் மகளிர்; 

கொடிச்சியர்; 

விளைச்சலைக் காவல் காக்கும் சேணோன் 

கால் நிறுத்திப் போட்ட பந்தலில் 

காட்டு மயில் கூடுகட்டும் 

மலைப்பகுதியில்தான் எங்கள் ஊர் உள்ளது. 

நீர் உம் ஊருக்குச் செல்லாமல், 

எம் ஊரில் தங்கிச் செல்வாயாக. 

நாங்கள் மூங்கில் குழாயில் அடைத்து வைத்திருக்கும் 

பெருமலைத் தேனை உண்ணலாம். 

நாங்கள் ஆடும் குரவை ஆட்டத்தைக் கண்டு மகிழலாம்.

தோழி தலைவியின் உள்ளக் கிடக்கையை இவ்வாறு தலைவனுக்குத் தெரிவிக்கிறாள்.

 

பாடல் சொல் பிரிப்புப் பதிவு

திணை குறிஞ்சி

''கோடு துவையா, கோள் வாய் நாயொடு

காடு தேர்ந்து அசைஇய வய மான் வேட்டு

வயவர் மகளிர்'' என்றி ஆயின்,

குறவர் மகளிரேம்; குன்று கெழு கொடிச்சியேம்;

சேணோன் இழைத்த நெடுங் காற் கழுதில் 5

கான மஞ்ஞை கட்சி சேக்கும்

கல் அகத்தது எம் ஊரே; செல்லாது

சேந்தனை, சென்மதி நீயே பெரு மலை

வாங்கு அமைப் பழுனிய நறவு உண்டு,

வேங்கை முன்றில் குரவையும் கண்டே.       10

பகற்குறி வந்து பெயரும் தலைமகனை உலகியல் சொல்லியது.

தொல் கபிலர் பாடல்

இது கி.மு. காலத்துப் பாடல்.

ஆங்கிலத்தில் இதன் செய்தி

கை கோத்தாடும் குரவை