Showing posts sorted by relevance for query ஏற்றம். Sort by date Show all posts
Showing posts sorted by relevance for query ஏற்றம். Sort by date Show all posts

Thursday, 2 May 2019

கபிலை ஏற்றம் oxen-etram

அடியேன்
பொதுவன்

மாடு கட்டிக்
கிணற்றிலிருந்து
நீர் இறைத்து
வயல்களுக்குப் பாய்ச்சிய 

கபிலை ஏற்றம்
இப்படித்தான் இருந்தது

standing instrument used to sift water from the well to flow into the field of cultivated plants 
with the help of oxen 

கபிலை ஏற்றம்

கபிலை ஏற்றம்


Tuesday, 14 April 2015

ஏற்றப் பாட்டு, கபிலை ஏற்றம்

இப்படித்தான் தண்ணீர் இறைத்துப் பயிர்செய்து பிழைத்துவந்தேன்
(1950-1954) அப்போது என் அகவை (வயது) 15, 16, 17, 18, 19
செங்கைப் பொதுவன், இந்தத் தளத்துக்காரன் இளமையில் ஓரேர் உழவனாகப் பணியாற்றியவர். மாடு கட்டிக் கிணற்று நீரை இறைத்துப் பாய்ச்சிப் பயிர்த்தொழில் செய்தவர்.
இவன் (நான்) பாடிய கபிலையேற்றப் பாட்டு

கபிலை = மாடு, “கபிலை கண்ணிய வேள்வி நிலை” – தொல்காப்பியம் 3-87-6 – கபிலை = பசு
கபிலை ஏற்றம் = மாட்டு ஏற்றம்
கபிலர் = மாட்டிடையர், \ சங்ககாலப் புலவர், \ கபிலதேவ நாயனார் \ கபிலநாயனார் முதலானோர் மாடு மேய்த்த இடையர் வழியில் வந்தவர்கள்.

மாயன்-பெரு மாளே மயன்-ஏரிமே(ல்) ஒன்று
மயன்-ஏரிமே(ல்) ஒன்று, மயன்-ஏரிமே(ல்) ரெண்டு (இரண்டு)
மயன்-ஏரிமே(ல்) ரெண்டு, மயன்-ஏரிமே(ல்) மூணு
மயன்-ஏரிமே(ல்) மூணு, மயன்-ஏரிமே(ல்) நாலு
மயன்-ஏரிமே(ல்) நாலு, மயன்-ஏரிமே(ல்) அஞ்சு (ஐந்து)
மயன்-ஏரிமே(ல்) அஞ்சு, மயன்-ஏரிமே(ல்) ஆறு
மயன்-ஏரிமே(ல்) ஆறு, மயன்-ஏரிமே(ல்) ஏழு
மயன்-ஏரிமே(ல்) ஏழு, மயன்-ஏரிமே(ல்) எட்டு
மயன்-ஏரிமே(ல்) எட்டு, மயன்-ஏரிமே(ல்) ஒம்பது (ஒன்பது)
மயன்-ஏரிமே(ல்) ஒம்பது, மயன்-ஏரிமே(ல்) பத்து

மயன்-ஏரிமே(ல்) பத்து ஒருபதி(ன்)மே(ல்) ஒன்று
ஒருபதி(ன்)மே(ல்) ஒன்று ஒருபதி(ன்)மே(ல்) ரெண்டு
………………………………..
ஒருபதி(ன்)மே(ல்) ஒம்பது ஒருபதி(ன்)மே(ல்) பத்து

ஒருபதி(ன்)மே(ல்) பத்து இருபதி(ன்)மே(ல்)
………………………….
எண்தி(ன்)மே(ல்) பத்து தொண்ணூறுமே(ன்) ஒன்று
…………………….
தொண்ணூறுமே(ன்) ஒம்பது ஒருநூறு சாலோ

இப்படி மற்றவர்கள் வழிவழியாகப் பாடக்கேட்டு நானும் பாடிக்கொண்டு தண்ணீர் இறைத்தேன்.
கிணற்றில் தண்ணீர் மொள்ள மாட்டைப் பின்னுக்கு இழுத்துக்கொண்டு வரும்போது இந்தப் பாட்டு எத்தனைச் சால் (கிணற்றில் தண்ணீர் மொண்டுகொண்டு வரும் பெரும்பாத்திரம்) தண்ணீர் இறைத்தோம் என்று எண்ணும் பாட்டு இது.

ஏற்றம் இறைத்த(து) அக்காலம்
இணையத்(து) இறைப்ப(து) இக்காலம்
மாற்றம் இன்றி இறைக்கின்றேன்
வாழும் தமிழைப் பார்க்கின்றேன்.



Monday, 18 May 2020

நீர் ஏற்றம் shifying water

N. Ganesan மின்னஞ்சல் செய்தி

ஏற்றம்
தாழ்மரம், கொடிமரம் 

கவட்டைக் காலில் வைக்கப்பட்டுள்ள கிடைமரத்தை, கொடிமரம் என்பர். (ஏற்றி இறக்கும் கொடி போல் பயன்படும் மரம்)  (ஒப்புநோக்குக - கொடிஞ்சி நெடுந்தேர்)

தாழ்மரம் (தாழ்ந்து தண்ணீர் மொள்ளும் மரம்)

தண்ணீரைத் தரையில் ஊற்றினால் மண்ணைப் பறித்து வாய்க்கால் கெடும் என்று பானையில் ஊற்றி வழியச் செய்கிறாள்

http://www.fao.org/3/ah810e/AH810E47.gif

கபிலை ஏற்றம் (கபிலை = பசு + எருது)
http://www.fao.org/3/ah810e/AH810E05.htm


Saturday, 4 April 2020

ஏற்றம் well water for cultivation

கவலை ஏத்து
கபிலை ஏற்று

கபிலை = பசு, எருது

கிணற்று நீரை வயலுக்குப் பாய்ச்சுதல்
1950

அப்போது என் அகவை 15
இப்படித்தான் நீர் இறைத்து வெள்ளாமை (வேளாண்மை) செய்தேன்


கிணற்றில் தண்ணீர் மொண்டுகொண்டு வரும் சால்
அதில் கட்டப்பட்டிருப்பது தும்பி
தும்பி தோலால் ஆனது
தும்பி இரண்டு பக்கமும் ஓட்டை உள்ள ஒரு பை

கிணற்றிலிருந்து தண்ணீரைத் தூக்கிக்கொண்டு வரும்போது மடங்கிச் சாலோடு படிந்திருக்கும். அதனால் சாலில் உள்ள தண்ணீர் கொட்டாது.

மேலே வந்தவுடன் அது நீண்டுகொள்ளும்.
அதனால் தண்ணீர் வாய்க்காலில் ஊற்றும்

இப்படித் தானே மடங்கவும் நீளவும் உதவுவது வடம் வால்கயிறு ஆகிய 2 கயிறுகள்.

வடம் மேல் உருளையில் உருளும் பருமனான கயிறு. சாலில் கட்டப்பட்டிருக்கும். வால்கயிறு கீழ் உருளையில் உருளும் சற்றே  மெலிந்த கயிறு. தும்பியில் கட்டப்பட்டிருக்கும்.

தண்ணீர் மொள்ளச் செல்லும்போது ஏற்றம் இறைப்பவர் வால்கயிற்றைக் கொஞ்சம் சுடுட்டிப் பிடித்துகொள்வார். அதனால் நீர் மொண்டுவரும் சால் குப்புறக் கவிழ்ந்துகொண்டு செல்லும். கிணற்றில் நீரை மொண்டதும் வால்கயிற்றை விட்டுவிடுவார். தும்பி மடிந்துகொள்ளும். மேலே வரும்போது தண்ணீர் கொட்டாது.

இப்படி நீர் இறைக்கும்போது அலுப்பு தோன்றாமல் இருக்கப் பாட்டு பாடுவது வழக்கம். அது எத்தனை சால் தண்ணீர் இறைத்தோம் என்பதைக் கணக்கிடும் பாட்டாக இருக்கும்.

ஏற்றப் பாட்டு 

Tuesday, 14 May 2019

முக்கூடல் பள்ளு 84-90 Mukkudal-Pallu 84-90


மூத்தபள்ளி முறையிடுதல்

84.   

இடையனை வயலில் விட்டுவிட்டால் இளையவள் வீட்டுக் கிடையில் தான் கிடக்கலாம் என்று பள்ளன் எண்ணியிருக்கிறான் - என்று பண்ணை ஆண்டவனாரிடம் சொல்லி மூத்த பள்ளி முறையிடுகிறாள் 

85.   

பக்கத்து வீட்டுக்காரர் சொல்லமாட்டார் 

பள்ளனுக்கு ஆட்டினில் கிடையா 
இளையவள் வீட்டில் கிடையா 

அவளுடன் படுத்திடும் பள்ளன் 
வேலையைக் கெடுத்திடும் கள்ளன் 

எனைக்கண்டு பதறியே விழுந்தான் 
கைகால் உதறியே எழுந்தான்

அவனைத் தடுத்து ஆளுங்கள் 
சிறைச்சாலையில் போட்டால் வேலையில் வளைவான் - ஆண்டே 

86.   

வருவாயை மிறினால் செலவுக்குத் தரித்திரம் ஏறும் 
கூத்துக்கும் கொட்டுக்கும் அள்ளிக் கொடுக்கிறான் 
அவன் பசுவை உழசும் காளை 
பரத்திக்கும் கள்ளுக்கும் ஐந்து பசுக்களை விற்றுவிட்டான் 
கையிலும் காலிலும் விலங்கு மாட்டுங்கள் - ஆண்டே 

87.   

மீனுக்கு வாலும் பாம்புக்குத் தலையும் காட்டி ஏமாற்றித் தப்பித்துக்கொள்ளும் மலங்கு மீன் அவன் 
தேனுக்குப் பால் என்று எண்ணி அவள் மேனிக்குப் பணமெல்லாம் சிந்திக் கெட்டான் 
என்னைச் சந்தியில் விட்டான் 
ஈனத்துக்கு நானாம் 
வெகுமானத்துக்கு அவளாம் 
இங்கே தரியான் 
அங்கே பிரியான் 
அவனிடம் பதனமாய் இருங்கள் - ஆண்டே 

88.   

ஆருக்கும் பணியமாட்டான் 
ஊருக்குள் ஏற்றம் 
சேரிக்குள் நாற்றம் - அவன் பெயர் 
ஏரும் மாடும் எல்லாருக்கும் பொதுவாம் 
சவுக்கால் அடியுங்கள் - ஆண்டே 

89.   

ஆனைக்குட்டி போல் இருந்த எருமை மாட்டை பணம் 15-க்கு ஞானிச்செட்டிக்குக் கொடுத்துவிட்டான் 
கொழுந்தியாரிடம் கொஞ்சிக்கொண்டு இருந்தான் 
மீனையும் கருவாட்டையும் அவள் பிள்ளைகளுக்குக் கொடுத்தான் 
நான் சொன்னால் என்னை வீம்புக்கு அடிப்பான் 
அவள் சொன்னால் பாம்பையும் பிடிப்பான் 
அவள் குடிசையில் வீழ்ந்து கிடக்கிறான் 
பூனைக்குட்டி போல் பதுங்கிச் செல்கிறான். 
அவனை நம்பாதீர்கள் 
சிக்கெனத் தடியால் வையுங்கள் - ஆண்டே 

90.   

பிறர் ஏச்சுக்குப் பிறந்தான் 
வரவரக் கூச்சத்தை மறந்தான் 
இளையவள் இளமையைக் குறித்தான் 
முதிரும் என் வளமையைப் பறித்தான்
நீச்சுக்கு மேலே நிலைப்பு என்ன
பேச்சுக்குக்கூட உழவு செய்யச் சற்றும் நினைப்பது இல்லை
என்னைத் தேடிக் கனைப்பதும் இல்லை
தீச் சுட்டது ஆறும் 
பழித்திடும் நாச் சுட்டது ஏறும்
அவனை ’சீ’ என்று போட்டேன்
நான் இனி வாயைப் பொத்திக்கொள்கிறேன் 
நீங்களே அவனிடம் பேச்சுக் கொடுத்துப் பாருங்கள் 
வாச்சியால் செதுக்கினால் தான் மரம் நேராகும் 
அதுபோல இவன் குண்டாந்தடியால் அடித்தால் தான் சரிக்கு வருவான் - ஆண்டே 

பாடல்

கொச்சகக் கலிப்பா

84.   

இடையரைக்கொண் டேவயலில்
      ஏவிஇளை யாள்குடிலிற்
கிடைநமக்கு நல்ல
      கிடையெனச்சென் றான்குடும்பன்
அடைவுபட்ட செய்திபண்ணை
      ஆண்டவனார் கேளுமென்றே
படைதொடுத்து முக்கூடற்
      பள்ளிமுறை யிட்டாளே.

சிந்து

85.   

அடுத்திடும் வீட்டார்-சொல்லிக்
கொடுத்திட மாட்டார்-கிடைதான்
      ஆட்டினிற் கிடையோ-இளையவள்
      வீட்டினிற் கிடையோ
படுத்திடும் பள்ளன்-வேலையைக்
கெடுத்திடுங் கள்ளன்-எனைக்கண்டு
      பதறியே விழுந்தான்-கைகால்
      உதறியே எழுந்தான்
எடுத்திடும் மடலன்-மயற்பேய்
தொடுத்திடுஞ் சடலன்-களவுகள்
      இன்னமும் அறியீர்-அடியாள்
      சொன்னதுங் குறியீர்
தடுத்தெனை யாளார்-அழகரும்
நடுத்தனைக் கேளார்-கடுஞ்சிறைச்
      சாலையிற் போட்டால்-வளைவான்
      வேலையி லாண்டே.

86.   

வரத்தினை மீறுஞ்-செலவுக்குத்
தரித்திரம் ஏறும்-பேய்க்கொடை
      மட்டுக் கட்டில்லான்-கூத்துக்கும்
      கொட்டுக்கும் நல்லான்
உரத்திடுங் காளை-சுழியன்
நரைத்தலை மோழை-புதியவன்
      ஊட்டுக்குக் குறித்தான்-வில்லடிப்
      பாட்டுக்குப் பொறித்தான்
பரத்திகைச் சுள்ளும்-அக்கரைத்
திருத்தினிற் கள்ளும்-கொண்டஞ்சு
      பசுவையும் விற்றான்-மனந்தனில்
      அசுவையும் அற்றான்
கரத்தொடு மரமும்-பசும்புரை
மரத்தொடு கரமும்-சேர்த்திரு
      காலினில் விலங்கும்-பருக்கவே
      கோலுவீ ராண்டே.


87.   

தானுட்கை போலுஞ்-சளஞ்செய்து
மீனுக்கு வாலும்-பாம்புக்குத்
      தலையையும் காட்டி-எனக்காசை
      வலையையும் பூட்டித்
தேனுக்குட் பாலாய்-அவள்மஞ்சள்
மேனிக்கு மாலாய்-பணமெல்லாஞ்
      சிந்தியே கெட்டான்-எனையின்று
      சந்தியில் விட்டான்
ஈனத்துக் கிவளாந்-தன்வெகு
மானத்துக் கவளாம்-காலவன்
      இங்ங்கே தரியான்-கனவிலும்
      அங்கே பிரியான்
ஊனுக்கு முயிராம்-பூமிக்கும்
வானுக்கும் பயிராம்-அழகருக்
      குதவும் பள்வேண்டில்-அவனினிப்
      பதனங்கா ணாண்டே.

88.   

ஆருக்கும் பணியான்-சீவலப்
பேரிக்குள் கணியான்-வில்லென்னும்
      அரிப்பிட்டுப் போட்டான்-பள்வரி
      தெரிப்பிட்டுக் கேட்டான்
ஊருக்குள் ஏற்றம்-இவனிந்தச்
சேரிக்குள் நாற்றம்-குடும்புசெய்
      தூராருக் குழைத்தான்-அழகர்சொம்
      மாறாகப் பிழைத்தான்
ஏருக்குள் மாடும்-முந்தின
காருக்குள் சூடும்-தன்கிளை
      எவருக்கும் பொதுவாம்-ஆட்கொள்ளும்
      அவருக்கும் அதுவாம்
பாருக்குள் மறைத்தான்-பணம்பல
பேருக்கும் இறைத்தான்-மெத்தவும்
      பைத்தியந் தொடுத்தான்-சவுக்கினில்
      வைத்திடீ ராண்டே.

89.   

ஆனைக் குட்டியைப்போல்-எருமையை
ஞானிச் செட்டிகைக்கே-பணம்பதி
      னைஞ்சுக்குக் கொடுத்தான்-கொழுந்தியார்
      குஞ்சுக் கிட்டெடுத்தான்
மீனைக் கொண்டளிப்பான்-கருவாட்
டுனைக் கொண்டொளிப்பான்-நான் சொன்னால்
      வீம்புகள் அடிப்பான்-அவள் சொன்னால்
      பாம்பையும் பிடிப்பான்
கோனைக் கண்டவனோ-கோன்தலைப்
பேனைக் கண்டவனோ-போய் அவள்
      குச்சினில் வீழ்ந்தான்-வயல்எரு
      வைச்சினி வாழ்ந்தான்
பூனைக் குட்டியைப் போல்-பதுங்கிச்சொல்
மோனைக் கட்டுடனே-அவன்முழுப்
      பொய்கொண்டு வருவான்-சிக்கென
      வையுங்கா ணாண்டே.

90.   

ஏச்சுக்குப் பிறந்தான்-வரவரக்
கூச்சத்தை மறந்தான்-இளையவள்
      இளமையைக் குறித்தான்-முதிருமென்
      வளமையைப் பறித்தான்
நீச்சுக்கு மேலே-நிலைப்பென்ன
பேச்சுக் கையாலே-உழச்சற்றே
      நினைப்பது மில்லை-எனைத்தேடிக்
      கனைப்பது மில்லை
     தீச்சுட்ட தாறும்-பழித்திடும்
நாச்சுட்ட தேறும்-அவனைமுன்
      சீயென்று போட்டேன்-நான்இனி
      வாயொன்றுங் காட்டேன்
பேச்சிட்டுப் பாரும்-மரக்கணு
வாச்சிக்குத் தீரும்-பயப்படப்
      பிடித்தது பிடியாய்க்-குட்டையில்
      அடித்திடு மாண்டே.



Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி