Showing posts with label கார்40. Show all posts
Showing posts with label கார்40. Show all posts

Thursday, 1 September 2016

கார் நாற்பது KarNarpatu Foreword

முல்லைக்கொடி மகிழும்படியும், வண்டு மொய்க்கும் கூந்தலை உடையவள் உள்ளம் மகிழும்படியும், மென்மையாக ஊற்றுநீர் ஓடும்படியும், மழை பொழியும் கார் காலம் பற்றிப், பழந்தமிழில் வல்லவர்கள் உள்ளம் மகிழும் வண்ணம், இனிய தமிழை வார்த்து, சொல்லை ஆராய்ந்து, கூத்தர் தந்த நூல் “கார் நாற்பது”.

பாடல், சொல் பிரிப்புப் பதிப்பு

முல்லைக் கொடி மகிழ, மொய் குழலார் உள் மகிழ,
மெல்லப் புனல் பொழியும் மின் எழில் கார்; - தொல்லை நூல்
வல்லார் உளம் மகிழ, தீம் தமிழை வார்க்குமே,
சொல் ஆய்ந்த கூத்தர் கார் சூழ்ந்து.       

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 


கார் நாற்பது KarNarpatu 40

அவள் நொந்துபோனாள்
ஒருத்தி கூடல் கோடு போட்டுக் குறி பார்த்தாள். “அவர் வரமாட்டார்” என்று குறி வந்தது. அவள் நொந்துபோனாள். காதல் நோயால் துன்பப்பட்டாள். அவளது நோயைத் தீர்க்கும் மருந்தாகக் கருவானம் இந்திர வில்லுடன் தோன்றியது. மழை பொழியும் என்பதால் அந்தப் பேதைப் பெண்ணின் நெற்றி பொலிவுற்றது.

பாடல், சொல் பிரிப்புப் பதிப்பு

'வந்தன செய் குறி; வாரார் அவர்' என்று
நொந்த ஒருத்திக்கு நோய் தீர் மருந்து ஆகி,
இந்தின் கரு வண்ணம் கொண்டன்று, எழில் வானம்;
நந்தும், என் பேதை நுதல்.              40

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 39

நண்டுக் கண் போன்று அரும்பு விட்டுக் கருநொச்சி பூக்கும். கருநொச்சிப் பூவைத் தழையுடன் சேர்த்துச் சூடிக்கொண்டு புன்செய் வயலில் அவர் ஏர் பூட்டி உழுகிறார். அவரையும் என்னையும் சேர்த்து ஊர் பேசுகிறது.
தலைவி தோழியிடம் சொல்கிறாள்.
நண்டு
நண்டின் கண் போல அரும்பு விட்டுக் கருநொச்சி பூக்கும் 

கருநொச்சி
நண்டின் கண் போல அரும்பு விட்டுக் கருநொச்சி பூக்கும் 

பாடல், சொல் பிரிப்புப் பதிப்பு

அலவன் கண் ஏய்ப்ப அரும்பு ஈன்று அவிழ்ந்த
கருங் குரல் நொச்சிப் பசுந் தழை சூடி,
இரும் புனம் ஏர்க் கடிகொண்டார்; பெருங் கெளவை
ஆகின்று, நம் ஊர் அவர்க்கு.         39

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 38

ஆண், பெண் யானை 
தழுவல் 
ஒளிறும் வளையல் அணிந்தவளே!
அவர்மீது பிணக்குப் போட்டுக்கொண்டிருக்கிறாயே! மழை ஈரம் மணக்கும் இப்போதும் அவர் வரவில்லையா?
முகமெல்லாம் சேற்றைப் பூசிக்கொண்டு உயர்ந்த ஆண்யானை தன் பெண்யானையைத் தழுவிக்கொண்டு செல்கிறதே!
தோழி தலைவியை வினவுகிறாள்.

பாடல், சொல் பிரிப்புப் பதிப்பு

புகர் முகம் பூழிப் புரள, உயர் நிலைய
வெஞ் சின வேழம் பிடியோடு இயைந்து ஆடும்
தண் பதக் காலையும் வாரார்; எவன் கொலோ,
ஒண்டொடி! ஊடும் நிலை?           38

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 37

வேந்தனுக்காகச் செயற்கரிய செயலைச் வாய்ப்பினைப் பெற்றுச் சென்றுள்ள அவர், கருநிறக் கடலில் மேய்ந்து கருவுற்றிருக்கும் திரண்ட மேகம், பெரிய பாறைகளை உடைய மலைமேல் ஏறி தன் நீர்ப் பாரத்தைக் கொட்டும் பெரு ஈரம் இருக்கும் காலத்திலும் வரமாட்டாரோ?
தலைவி ஏக்கம்.

பாடல், சொல் பிரிப்புப் பதிப்பு

கருங் கடல் மேய்ந்த கமஞ் சூழ் எழிலி
இருங் கல் இறு வரை ஏறி, உயிர்க்கும்
பெரும் பதக் காலையும் வாரார்கொல், வேந்தன்
அருந் தொழில் வாய்த்த நமர்?   37

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 


கார் நாற்பது KarNarpatu 36

மரம்-கொத்திப் பறவை போல் நிறம் கொண்ட தளவம் பூக்கள் பூத்துக் குலுங்குகின்றன. இவள் சீர்மை மிக்கவள். இவளது மழைக்கண்-செல்வத்தில் ஒரு மதமதப்பு. சில சொற்கள் மட்டுமே பேசுபவள். பேதைமை கொண்டவள். ஊருக்குத் திருமண விருந்து. உனக்கு அவர் விருந்து.
தளவம் பூத்து வருகிறார் எனக் குறி காட்டுகின்றன.
தோழி தலைவிக்குச் சொல்கிறாள்.
மரங்கொத்திப் பறவை | சிரல் பறவை
சிரல் போல் தளவம் பூத்திருக்கிறதாம்

தளவம் | செம்முல்லை | சாமந்தி (செம்முல்லை என்பதன் திரிபு)
சிரல் பறவை போல் பூத்துக் கிடக்கிறதாம் 
வெண்முல்லை | செம்முல்லை (தளவம்) 

பாடல், சொல் பிரிப்புப் பதிப்பு

சிரல்வாய் வனப்பின ஆகி, நிரல் ஒப்ப
ஈர்ந் தண் தளவம் தகைந்தன; சீர்த்தக்க
செல்வ மழை மதர்க் கண், சில் மொழி, பேதை ஊர்
நல் விருந்து ஆக, நமக்கு.               36

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 35

பொருளீட்டச் சென்றவர் நெடுந்தொலைவு சென்றுவிட்டார் என்று எண்ணிய மேகம் தன் வருத்தத்தை இவளுக்குக் காட்டுவதற்காக வெற்றி வேந்தன் முழங்கும் முரசின் ஓசைபோல் இடிமுழக்கம் செய்கிறது.
தோழி நினைவு.

பாடல், சொல் பிரிப்புப் பதிப்பு

சென்ற நம் காதலர் சேண் இகந்தார்!' என்று எண்ணி
ஒன்றிய நோயோடு இடும்பை பல கூர,
வென்றி முரசின் இரங்கி, எழில் வானம்
நின்றும் இரங்கும், இவட்கு.         35

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 34

யாவரும் விரும்பும் திரு என்னும் பேரழகு நெற்றி கொண்ட முகத்தை உடையவள் அவள். அவளிடம் அவர் திரும்பி வரும் காலம் குறித்துவிட்டுச் சென்றார். கடலலை வெறுக்கும்படி பெருமிதத்துடன் வானம் நீரைப் பருகும். மலைக்குக் கொடையாக வழங்கும். அதுதான் அவர் குறிப்பிட்ட காலம்.
தோழி நினைத்துப் பார்க்கிறாள்.

பாடல், சொல் பிரிப்புப் பதிப்பு

விரி திரை வெள்ளம் வெறுப்பப் பருகி,
பெரு விறல் வானம் பெரு வரை சேரும்
கரு அணி காலம் குறித்தார், திரு அணிந்த
ஒள் நுதல் மாதர் திறத்து.             34

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 33

மேகம் கடலில் நீரை முகந்து செல்லும். மேலைமலைத் தொடரில் சந்தனம் போல் அப்பும்படி நீரை வாரி இறைக்கும். அதுதான் நான் குறியிட்டு வைத்திருக்கும் காலம். என் காதலி ஒரு பேதை. அவள் தன் துன்பத்தைப் போக்கிக்கொள்ள நான் சொன்ன குறிக்காலம்.
அந்தக் குறிக்காலம் இப்போது வந்துவிட்டது.
உடனே செல்லவேண்டும்.
தலைவன் நினைக்கிறான்.

பாடல், சொல் பிரிப்புப் பதிப்பு

கடல் நீர் முகந்த கமஞ் சூல் எழிலி
குடமலை ஆகத்து, கொள் அப்பு இறைக்கும்
இடம்' என ஆங்கே குறி செய்தேம், பேதை
மடமொழி எவ்வம் கெட.                33

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 32

பிடா, பிடவம்
மலர் 
பாக, தேரை ஓட்டுக. கார்காலம் ஓடிவிடப் போகிறது. காடெல்லாம் பிடா மலர்கள் பெருந்தகை போல் பூத்துக் குலுங்குகின்றன. கெடாப் புகழை விரும்பிச் செல்வர் கொடை நல்குவது போல் அவை தேனை வழங்குகின்றன. வண்டினங்கள் தேனை உண்டு பாடிக்கொண்டிருக்கின்றன.
விரைந்து ஓட்டு.
தலைவன் சொல்கிறான்.

பாடல், சொல் பிரிப்புப் பதிப்பு

கடாஅவுக, பாக! தேர் கார் ஓடக் கண்டே;
கெடாஅப் புகழ் வேட்கைச் செல்வர் மனம்போல்
படாஅ மகிழ் வண்டு பாண் முரலும், கானம்
பிடாஅப் பெருந்தகை நற்கு.          32

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 31

திருநுதல் என் மனைவி. அவளுக்கு நான் திரும்பும் காலக்குறி சொல்லிவிட்டு வந்துள்ளேன். கார் என்னும் கார்த்திகைப் பூ கரையெங்கும் பூத்திருக்கும். நீரில் கிடக்கும் எருமை மழை பொழிவதால் மகிழ்ச்சியுடன் கரைக்கு வந்து அங்குப் படர்ந்திருக்கும் காந்தள் குடிகளைச் சூடிக்கொண்டு, போருக்குப் புறப்படும் மள்ளர் போல் பெருமிதத்துடன் செம்மாந்து நிற்கும். அப்போது நான் திரும்பிவிடுவேன்.
என்றேன்.
இப்போது நிற்கிறது.
நான் திரும்ப வேண்டும்.
தலைவன் நினைக்கிறான்.
இது கார் என்றும் கார்த்திகை என்றும் காந்தள் என்றும் குறிப்பிடப்படும் மலர் 

பாடல், சொல் பிரிப்புப் பதிப்பு

கார்ச் சேண் இகந்த கரை மருங்கின் நீர்ச் சேர்ந்து,
எருமை எழில் ஏறு, எறி பவர் சூடி,
செரு மிகு மள்ளரின் செம்மாக்கும் செவ்வி,
திருநுதற்கு யாம் செய் குறி.         31

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 30

மலை தழைத்திருக்கிறது. வானம் பொழிகிறது. மழைத்துளிகள் நீரைப் பிளக்கின்றன. நிலமெல்லாம் இனிய மழை. எங்கும் மழை பொழியும் மணம். குளிரடிக்கும் ஊதைக்காற்று வீசுகிறது. இவை என் காதலியின் மடமைத் தன்மையின் பெருமையை எடுத்துரைக்கின்றன.
அவளிடம் செல்ல வேண்டும்.
தலைவன் நினைக்கிறான்.

பாடல், சொல் பிரிப்புப் பதிப்பு

வரை மல்க, வானம் சிறப்ப, உறை போழ்ந்து
இரு நிலம் தீம் பெயல் தாழ, விரை நாற,
ஊதை உளரும், நறுந் தண் கா, பேதை
பெரு மடம் நம்மாட்டு உரைத்து.             30

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 29

கொட்டிக்கிடக்கும் பூக்கள் எல்லா இடங்களிலும் (ஞாங்கர்) மலர்ந்து கிடக்கின்றன. அவற்றில் தேன் உண்ணும் வண்டுகள் பாடுகின்றன. காடே இப்படிக் கிடக்கிறது. தனிமைக்குப் பகையாகக் கீழைக்காற்று மேகம் எங்கும் மூடுகிறது. இப்படி முகம் காட்டும் காட்டை விட்டுவிட்டு நான் உடனே திரும்பியாக வேண்டும்.
தலைவன் இப்படி நினைக்கிறான்.

பாடல், சொல் பிரிப்புப் பதிப்பு

பொங்கரும் ஞாங்கர் மலர்ந்தன; தங்காத்
தகை வண்டு பாண் முரலும், கானம்; பகை கொண்டல்
எவ்வெத் திசைகளும் வந்தன்று; சேறும் நாம்,
செவ்வி உடைய சுரம்.       29

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 28

இது குமிழம் பழம்
இதன் பூ பொன் நிறத்தில்
இருக்குமாம் 
வானம் இசை முழங்குகிறது. குமிழம் பூ பொன் போல் கொத்தாகப் பூத்திருக்கிறது. இப்படிக் கார்காலம் தன் முகத்தைக் காட்டுகிறது.
நெஞ்சே!
காதலியின் ஊரில் எங்கள் காதல் பற்றிக் கவ்வை பேசித் தூற்றுகின்றனர். அது அங்குவதற்காக உடனே செல்லவேண்டும்.
தலைவன் நினைவு இப்படி ஓடுகிறது.

பாடல், சொல் பிரிப்புப் பதிப்பு

இமிழ் இசை வானம் முழங்க, குமிழின் பூப்
பொன் செய் குழையின் துணர் தூங்க, தண் பதம்
செல்வி உடைய, சுரம் நெஞ்சே! காதலி ஊர்
கவ்வை அழுங்கச் செலற்கு.       28

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 27

வானம் இடி முழங்குகிறது; முருகன் திருவிழா முழக்கம் போல முழங்குகிறது. காடெல்லாம் குருகிலைப் பூ பூத்துக் குலுங்குகிறது. “அவர் என்னைப்பற்றி நினைக்காமல் பிரிந்து சென்றுவிட்டார்” என்று அவரோடு நான் பிணக்குப் போட்டுக்கொண்டிருக்கிறேன். பசப்பு நோயோ அவர் பிரிவைப் பாராட்டிக்கொண்டு என் உடம்பெல்லாம் (பள்ளி = இடம்) வந்து பாய்கிறது.
இது காளி ஆட்டம் | இது போல் முருகன் ஆட்டம் | முருகன் ஆட்டம் "முருகியம்" எனப்படும் | வேலன் என்னும் பூசாரி முருகியம் ஆடுவான். | இதனை வெறியாட்டு என்றும் கூறுவர். 

பாடல், சொல் பிரிப்புப் பதிப்பு

முருகியம் போல் வானம் முழங்கி இரங்க,
குருகிலை பூத்தன கானம்; பிரிவு எண்ணி,
'உள்ளாது அகன்றார்' என்று ஊடி யாம் பாராட்ட,
பள்ளியுள் பாயும், பசப்பு. 27

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

கார் நாற்பது KarNarpatu 26

சில சொல் மட்டும் பேசும் தோழியே!
கார்த்திகை தலைமையான திருநாள். நாட்டு மக்கள் எல்லாம் தெருவில் விளக்கு ஏற்றி வழிபடுவர். அந்தக் கார்த்திகை விளக்குப் போல நிலமெல்லாம் தோன்றிப் பூ பூத்துத் திகழ்கிறது. மழை பொழிகிறது. இது அவர் வருகிறார் என்பதை உணர்த்தும் அறிகுறி.
தோழி தலைவிக்குச் சொல்கிறாள்.
இது தோன்றி மலர். இக்காலத்தில் இதனை மருத்தோன்றி என்றும், மருதாணி என்றும் வழங்குவர். மரு என்றால் மணம். மணம் தோன்றும் பூ மருத்தோன்றி. கார்த்திகை விளக்குப் போல தோன்றிப் பூ பூத்துக் கிடக்கிறதாம். 

இது கார்த்திகை விளக்கு. கார்த்திகை விளக்குப் போலத் தோன்றிப் பூ பூக்குமாம். இது கார்கால அறிகுறி. 

பாடல், சொல் பிரிப்புப் பதிப்பு

நலம் மிகு கார்த்திகை, நாட்டவர் இட்ட
தலை நாள் விளக்கின் தகை உடையவாகி,
புலம் எலாம் பூத்தன தோன்றி; சிலமொழி!
தூதொடு வந்த, மழை.       26

அகப்பொருள், முல்லைத்திணை ஒழுக்கம் பற்றிக் கூறும் 40 பாடல்கள் கொண்ட நூல் கார்நாற்பது. இதனை இயற்றியவர் மதுரைக் கண்ணங்கூத்தனார்காலம் மூன்றாம் நூற்றாண்டின் பிற்பகுதி.
முல்லைத்திணை ஒழுக்கம் = இருத்தலும் இருத்தல் நிமித்தமும், தலைவி தலைவன் வரவுக்காகக் காத்திருத்தலும், காத்திருத்தலுக்கான அறிகுறிகளும். 

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி