Showing posts with label ஏலாதி. Show all posts
Showing posts with label ஏலாதி. Show all posts

Friday, 24 March 2017

ஏலாதி சிறப்புப்பாயிரம் Elati special preface

இல்லற நூல்; ஏற்ற துறவற நூல், ஏயுங்கால், சொல் அற நூல்; சோர்வு இன்றித் தொக்கு உரைத்து, நல்ல அணி மேதை ஆய், நல்ல வீட்டு நெறியும் கணிமேதை செய்தான், கலந்து.    

இல்லறநூல் ஏற்ற துறவறநூல் ஏயுங்கால்
சொல்லறநூல் சோர்வின்றித் தொக்குரைத்து நல்ல
அணிமேதை யாய்நல்ல வீட்டு நெறியும்
கணிமேதை செய்தான் கலந்து.               

  • இல்லற நூல்;
  • ஏற்ற துறவற நூல்,
  • பொருந்தும் காலத்திற்கேற்பச் சொல்லும் அறநூல்,

ஆகியவற்றைச் சோர்வில்லாமல் தொகுத்து உரைத்து
நல்ல அணிகல மேதையாக,
  • நல்ல வீட்டு நெறியும்

கணிமேதை என்பான் கலந்து செய்தான்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 80 Elati 80

புலையாளர், புண்பட்டார், கண் கெட்டார், போக்கு இல் நிலையாளர், நீர்மை இழந்தார், தலையாளர்க்கு ஊண் கொடுத்து, ஊற்றாய் உதவினார் - மன்னராய்க் காண் கொடுத்து வாழ்வார், கலந்து.            80

புலையாளர் புண்பட்டார் கண்கெட்டார் போக்கில்
நிலையாளர் நீர்மை இழந்தார் - தலையாளர்க்
கூண்கொடுத் தூற்றாய் உதவினார் மன்னராய்க்
காண்கொடுத்து வாழ்வார் கலந்து.        80

  1. புலையாளர்,
  2. புண்பட்டார்,
  3. கண் கெட்டார்,
  4. போக்கில்லாமல் தனிமை நிலையில் வாடுபவர்
  5. தன் ஒழுங்கு நிலையை இழந்தவர்
  6. தலைமையானவர்

ஆகியவர்களுக்கு உணவு வழங்குவதில் ஊற்றாக இருப்பவர், இந்த உலகில் மன்னராகக் காட்சி கொடுத்து இணக்கத்தோடு வாழ்வர்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 79 Elati 79

சாக்காடு, கேடு, பகை, துன்பம், இன்பமே, நாக்கு ஆடு நாட்டு அறைபோக்கும், என நாக் காட்ட, நட்டார்க்கு இயையின், தமக்கு இயைந்த கூறு, உடம்பு அட்டார்வாய்ப் பட்டது பண்பு.       79

சாக்காடு கேடுபகை துன்பம் இன்பமே
நாக்காடு நாட்டறை போக்குமென - நாக்காட்ட
நட்டார்க் கியையின் தமக்கியைந்த கூறுடம்பு
அட்டார்வாய்ப் பட்டது பண்பு.     79

  1. சாக்காடு,
  2. கேடு,
  3. பகை,
  4. துன்பம்,
  5. இன்பம்
  6. ஆகியவை நாக்கு அறைபோகும் கோள்சொல்லால் வரும்.

என்னும் உண்மையை நாக்கு காட்டுகிறது. எனவே நண்பரைப் பற்றி நாக்கு ஆடும்போது தமக்கு இயந்தனவற்றை மட்டும் கொள்க. உடலின்பத்தை அழித்தவர் மேற்கொள்ளும் பண்பு இது.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


Thursday, 23 March 2017

ஏலாதி 78 Elati 78

தாய் இழந்த பிள்ளை, தலை இழந்த பெண்டாட்டி, வாய் இழந்த வாழ்வினார், வாணிகம் போய் இழந்தார், கைத்து ஊண் பொருள் இழந்தார், கண்ணிலவர்க்கு, ஈய்ந்தார்; வைத்து வழங்கி வாழ்வார்.      78

தாயிழந்த பிள்ளை தலையிழந்த பெண்டாட்டி
வாயிழந்த வாழ்வினார் வாணிகம் போயிழந்தார்
கைத்தூண் பொருளிழந்தார் கண்ணிலவர்க் கீய்ந்தார்
வைத்து வழங்கிவாழ் வார்.        78

  1. தாயை இழந்த பிள்ளை
  2. தலைமகனை இழந்த பெண்டாட்டி
  3. வாய்ப்பேச்சினை இழந்து ஊமையராய் வாழ்பவர்
  4. வாணிகம் செய்து பொருளை இழந்தவர்
  5. கையில் வைத்துக்கொண்டிருக்கும் பொருளால் உண்ணும் பேற்றினை இழந்தவர்
  6. கண் பார்வையை இழந்தவர்கள்

ஆகியோருக்குக் கொடுத்தவர்கள் தம் கையில் எப்போதும் பொருள் வைத்துக்கொண்டிருப்பவராக வாழ்வார்கள்.
கொடையாளி கைக்குப் பொருள் வந்து சேரும்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 77 Elati 77

நாற் கதியும் துன்பம் நவை தீர்த்தல் வேண்டுவான், பாற்கதியின் பாற்பட ஆராய்ந்து, நூற் கதியின் எல்லை உயர்ந்தார் தவம் முயலின், மூன்று, ஐந்து, ஏழ், வல்லை வீடு ஆகும்; வகு!    77

நாற்கதியும் துன்பம் நவைதீர்த்தல் வேண்டுவான்
பாற்கதியின் பாற்பட ஆராய்ந்து - நூற்கதியின்
எல்லை உயர்ந்தார் தவம்முயலின் மூன்றைந்தேழ்
வல்லைவீ டாகும் வகு                 77

நான்கு நிலைகளில் தோன்றும் பிறப்பிலும் துன்பம் உண்டு.
துன்பத்தைத் தீர்க்க விரும்புபவன் ஊழ் என்னும் பால் விதிக்கும் கதியை ஆராயவேண்டும்.

உயர்ந்தோர் நூல்களை முற்றிலுமாக நன்கு பயில வேண்டும்.

அதன் வழி முயன்று தவம் செய்ய வேண்டும்.
அப்படிச் செய்தால்
  • இறப்பு. நிகழ்வு, எதிர்வு என்னும் முக்காலத்திலும்,
  • சுவை, ஒளி, ஊறு, ஓசை, நாற்றம் என்னும் ஐம்புலன்களிலும்
  • வானவில்லில் தோன்றும் ஏழு நிறம் போன்ற ஏழு பிறப்புகளிலும்

விரைவில் வீடுபேறு கிட்டும்.
இதனை வகுத்து உணர்ந்துகொள்க.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 76 Elati 76

ஒல்லுவ, நல்ல உருவ,வேற் கண்ணினாய்! வல்லுவ நாடி, வகையினால், சொல்லின், கொடையினால் போகம்; சுவர்க்கம், தவத்தால்; அடையாத் தவத்தினால் வீடு.       76

ஒல்லுவ நல்ல உருவவேற் கண்ணினாய்
வல்லுவ நாடி வகையினால் -  சொல்லின்
கொடையினால் போகம் சுவர்க்கம் தவத்தால்
அடையாத் தவத்தினால் வீடு.   76

பொருந்தும் வகையால் நல்ல உருவமும் வேல் போன்ற கண்ணும் உடையவளே!

வல்லமை உடையனவற்றை நாடி வகைப்படுத்திச் சொல்லப்போனால்,
  • கொடை வழங்குவதால் மனத்துக்கு இன்பம் கிடைக்கும்.
  • தவம் செய்வதால் மேலுலகம் கிடைக்கும்.
  • இடைவிடாத் தவத்தினால் வீடுபேறு கிடைக்கும்.


கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 75 Elati 75

அறுவர் தம் நூலும் அறிந்து, உணர்வு பற்றி, மறு வரவு மாறு ஆய நீக்கி, மறு வரவின் மா சாரியனா, மறுதலைச் சொல் மாற்றுதலே ஆசாரியனது அமைவு.       75

அறுவர்தம் நூலும் அறிந்துணர்வு பற்றி
மறுவரவு மாறாய நீக்கி -  மறுவரவின்
மாசா ரியனா மறுதலைச்சொல் மாற்றுதலே
ஆசா ரியன தமைவு.       75

  1. ஆறு வகையான சமயத்தவர் நூல்களையும் அறிந்துகொள்ள வேண்டும்.
  2. அவற்றின் உணர்வுகளைப் பற்றிக்கொள்ள வேண்டும்.
  3. அவற்றில் வரும் குற்றங்களை நீக்க வேண்டும்.
  4. தம் உணர்வுக்கு மாறாக விளங்கும் கருத்துகளையும் நீக்க வேண்டும்.
  5. குற்றங்களை நீக்கும்போது ஒழுக்க நெறியில் மேம்பட்ட பெரியவனாக விளங்க வேண்டும்.
  6. தம் கருத்துக்கு மறுதலைச் சொல் இருக்குமானால் மாற்றி மாணவர்களுக்கு விளக்க வேண்டும்.

இது ஆசாரியன் நடந்துகொள்ள வேண்டிய அமைதி இலக்கணம் ஆகும்.
  • அறு சமயம் : - உலகாயதம், புத்தம், சமணம், மீமாம்சை, பாஞ்சராத்திரம், பட்டாசாரியம்.


கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 74 Elati 74

இடை வனப்பும், தோள் வனப்பும், ஈடின் வனப்பும், நடை வனப்பும், நாணின் வனப்பும், புடை சால் கழுத்தின் வனப்பும், வனப்பு அல்ல; எண்ணோடு எழுத்தின் வனப்பே வனப்பு.         74

இடைவனப்பும் தோள்வனப்பும் ஈடின் வனப்பும்
நடைவனப்பும் நாணின் வனப்பும் - புடைசால்
கழுத்தின் வனப்பும் வனப்பல்ல எண்ணோ
டெழுத்தின் வனப்பே வனப்பு.    74

  1. இடை அழகு
  2. தோள் அழகு
  3. ஈடு கொடுக்கும் மேனி அழகு
  4. நடை அழகு
  5. நாணத்தின் அழகு
  6. நாணத்தின் பக்கத்தே தோன்றும் கழுத்தின் அழகு

இந்த அழகு அத்தனையும் அழகு அன்று.
பெண்ணுக்கு எண்ணும் எழுத்தும் கற்றிருக்கும் அழகுதான் உண்மையான அழகு.
 
இந்த அழகெல்லாம் அழகு அன்று
கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 73 Elati 73

மனை வாழ்க்கை, மா தவம், என்று இரண்டும், மாண்ட வினை வாழ்க்கை ஆக விழைப; மனை வாழ்க்கை பற்றுதல்; இன்றி விடுதல், முன் சொல்லும்; மேல் பற்றுதல், பாத்து இல் தவம்.      73

மனைவாழ்க்கை மாதவம் என்றிரண்டும் மாண்ட
வினைவாழ்க்கை ஆக விழைப -  மனைவாழ்க்கை
பற்றுதல் இன்றி விடுதல்முன் சொல்லுமேல்
பற்றுதல் பாத்தில் தவம்.               73

  • மனை வாழ்க்கை,
  • மா தவம்,

என்று இரண்டும்,
மாட்சிமை கொண்ட நல்வினைப் பயனால் அமைந்த வாழ்க்கை ஆகும்.
  1. இவற்றில் ஒன்றை மக்கள் விரும்புவர்.
  2. மனை வாழ்க்கை பற்றுதல் பண்பால் அமையும்.
  3. பற்றுதல் இல்லாமல் இல்லத்திலேயே துறவு பூண்டிருத்தல் ஒரு வகை.
  4. இது முன்னே வைத்துச் சொல்லப்படும்.
  5. மேலே செல்வது இறைவன் பற்று.
  6. இது எதனையும் பகுத்துப் பார்க்காத தவம்.


கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 72 Elati 72

உணராமையால் குற்றம்; ஒத்தான் வினை ஆம்; உணரான் வினைப் பிறப்புச் செய்யும்; உணராத தொண்டு இருந் துன்பம் தொடரும்; பிறப்பினான் மண்டிலமும் ஆகும்; மதி.             72

உணராமை யாற்குற்றம் ஒத்தான் வினையாம்
உணரான் வினைப்பிறப்புச் செய்யும் - உணராத
தொண்டிருந் துன்பம் தொடரும் பிறப்பினான்
மண்டிலமும் ஆகும் மதி.              72

  1. சூழலை உணர்ந்துகொள்ளாமையால் குற்றம் வரும்.
  2. ஒத்து உடனிருப்பவன் வினையாலும் குற்றம் வரும்.
  3. உணர்ந்துகொள்ளாதவனுக்கு ஊழ்வினை பிறப்பினை உண்டாக்கும்.
  4. உணராவிட்டால் பழம்பிறப்புத் துன்பம் தொடரும்.
  5. பிறப்பு சுழற்சியாக மண்டிலமிட்டுக்கொண்டு வரும்.
  6. இவற்றை எண்ணிப் பார்க்க வேண்டும்.


கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 71 Elati 71

நடப்பார்க்கு ஊண், நல்ல பொறை தாங்கினார்க்கு ஊண், கிடப்பார்க்கு ஊண், கேளிர்க்கு ஊண், கேடு இன்று உடல் சார்ந்த வானகத்தார்க்கு ஊணே, மறுதலையார்க்கு ஊண், அமைத்தான் தான் அகத்தே வாழ்வான், தக. 71

நடப்பார்க்கூண் நல்ல பொறைதாங்கி னார்க்கூண்
கிடப்பார்க்கூண் கேளிர்க்கூண் கேடின் றுடல்சார்ந்த
வானகத்தார்க் கூணே மறுதலையார்க் கூணமைத்தான்
தானகத்தே வாழ்வான் தக.          71

  1. துறவு பூண்டு நடந்து திரிவார்க்கு உணவு
  2. நல்ல சுமையைத் தாங்கிக்கொண்டவர்க்கு உணவு
  3. படுத்த படுக்கையாகக் கிடப்பவர்களுக்கு உணவு
  4. உற்றார் உறவினர்களுக்கு உணவு
  5. கேடில்லா உடலைப் பெற்றிருக்கும் வானகத்துத் தேவர்களுக்கு உணவு
  6. மறுதலையாக மண்ணுலகில் துன்புறுபவர்களுக்கு உணவு

என்று அமைத்துக் கொடுத்து வழங்கியவன் தகவுடையவனாக இனிது வாழ்வான்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 70 Elati 70

ஐயமே, பிச்சை, அருந் தவர்க்கு ஊண், ஆடை, ஐயமே இன்றி அறிந்து ஈந்தான், வையமும் வானும் வரிசையால் தான் ஆளும் நாளுமே, ஈனமே இன்றி இனிது.  70

ஐயமே பிச்சை அருந்தவர்க் கூணாடை
ஐயமே இன்றி அறிந்தீந்தான் - வையமும்
வானும் வரிசையால் தானாளும் நாளுமே
ஈனமே இன்றி இனிது.      70

  1. ஐயம் போக்கி
  2. அறிவுப் பிச்சை வழங்கும்

அருந் தவர்க்கு
  1. உணவு
  2. உடை

ஆகியவற்றை
  1. ஐயமின்றித் தெளிவாகத் தெரிந்துகொண்டு
  2. தான் அறிந்த மட்டில் கொடுத்து உதவியவன்

வையத்தையும், வானுலகத்தையும் வரிசைச் சிறப்புடன், குறைவேதும் இல்லாமல், தானே ஆள்வான்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 69 Elati 69

எடுத்தல் முடக்கல் நிமிர்த்தல் நிலையே,படுத்தலோடு, ஆடல், பகரின், அடுத்து உயிர் ஆறு தொழில் என்று அறைந்தார், உயர்ந்தவர் வேறு தொழிலாய் விரித்து. 69

எடுத்தல் முடக்கல் நிமிர்த்தல் நிலையே
படுத்தலோடு ஆடல் பகரின் - அடுத்துயிர்
ஆறு தொழிலென் றறைந்தார் உயர்ந்தவர்
வேறு தொழிலாய் விரித்து.         69

உயிரானது
  1. உடலில் பிறவி எடுக்கும்
  2. உடலில் எங்கு இருக்கிறது என்று தெரியாமல் முடங்கிக் கிடக்கும்
  3. உடலில் நிமிர்ந்து நிற்கும்
  4. உடலில் நிலைகொள்ளும்
  5. உடலில் படுத்துறங்கும்
  6. உடலில் படமெடுத்து ஆடும்.

சொல்லப்போனால், உயிரை அடுத்திருக்கும் தொழில்கள் இந்த ஆறும் என்று உயர்ந்தோர் விரித்துச் சொல்லிவைத்துள்ளனர்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 68 Elati 68

சாதல், பொருள் கொடுத்தல், இன்சொல், புணர்வு உவத்தல், நோதல், பிரிவில் கவறலே, ஓதலின் அன்புடையார்க்கு உள்ளன ஆறு குணம் ஆக, மென்புடையார் வைத்தார், விரித்து.                68

சாதல் பொருள்கொடுத்தல் இன்சொல் புணர்வுவத்தல்
நோதல் பிரிவில் கவறலே - ஓதலின்
அன்புடையார்க் குள்ளன ஆறு குணம் ஆக
மென்புடையார் வைத்தார் விரித்து.     68

  1. அன்புடையவருக்காக உயிரையும் கொடுத்தல்
  2. அன்புடையவருக்குத் தன் பொருளைக் கொடுத்தல்
  3. இன்சொல் கூறல்
  4. அன்புடையவரோடு சேர்ந்திருத்தலை விரும்புதல்
  5. அன்புடையவர் பிரியும்போது துன்புறுதல்
  6. அன்புடையவர் பிரிந்திருக்கும்போது கவலை கொள்ளுதல்

இந்த ஆறு குணங்களும் அன்புடையவர்களுக்கு உண்டு என்று மென்மை உள்ளம் கொண்டவர் விரித்துச் சொல்லிவைத்துள்ளனர்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 67 Elati 67

கூர் அம்பு, வெம் மணல் ஈர் மணி, தூங்கலும், ஈரும் புகை, இருளோடு, இருள், நூல் ஆராய்ந்து, அழி கதி, இம் முறையான், ஆன்றார் அறைந்தார்  இழி கதி, இம் முறையான் ஏழு.  67

கூரம்பு வெம்மணல் ஈர்ம்மணி தூங்கலும்
ஈரும் புகையிருளோடு இருணூ லாராய்ந்
தழிகதி இம்முறையான் ஆன்றார் அறைந்தார்
இழிகதி இம்முறையான் ஏழு.    67

  1. கூரிய அம்பு
  2. சுடும் மணல்
  3. வயிரம் போன்ற பிளந்த மணிக்கல்
  4. தொங்கும் பொருள்கள்
  5. கண்ணை ஈர்த்தெரிக்கும் புகை
  6. இருட்டு
  7. இருண்ட கருத்துகளை உரைக்கும் நூல்கள்

ஆகிய இந்த ஏழும் அழிவைத் தரும் கதிப்பொருள்கள் என்றும், அவற்றில் இறங்கி அகப்பட்டுக் கொள்ளக் கூடாது என்றும் ஆன்றோர்கள் பறையறைவது போல் கூறியுள்ளனர்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 66 Elati 66

பொய் தீர் புலவர் பொருள் புரிந்து ஆராய்ந்த மை தீர் உயர் கதியின் மாண்பு உரைப்பின், - மை தீர் சுடர் இன்று; சொல் இன்று; மாறு இன்று; சோர்வு இன்று; இடர் இன்று; இனி துயிலும் இன்று.      66

பொய்தீர் புலவர் பொருள்புரிந்து ஆராய்ந்த
மைதீர் உயர்கதியின் மாண்புரைப்பின் - மைதீர்
சுடரின்று சொல்லின்று மாறின்று சோர்வின்று
இடரின் றினிதுயிலும் இன்று. 66

பொய் தீர் புலவர் இயற்றிய நூலின் பொருள் புரிந்து ஆராய்ந்த, குற்றமற்று உயர்ந்த நற்கதியின் மாண்பைப் பற்றிச் சொல்லப்போனால்,
  1. இருள் நீங்கிய சுடராகச் சுடர்கிறது.
  2. இருள் நீங்கிய சொல்லாகச் சொல்கிறது.
  3. மாறுபாடு இல்லை.
  4. சோர்வு இல்லை.
  5. துன்பம் இல்லை.
  6. அதனால் தூக்கமும் இல்லை; எப்போதும் விழிப்புணர்வே.


கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 65 Elati 65

காலனார் ஈடு அறுத்தல் காண்குறின், முற்று உணர்ந்த பாலனார் நூல் அமர்ந்து, பாராது, வாலிதா, ஊறுபாடு இல்லா உயர் தவம் தான் புரியின், ஏறுமாம், மேல் உலகம் ஓர்ந்து.    65

காலனார் ஈடறுத்தல் காண்குறின் முற்றுணர்ந்த
பாலனார் நூலமர்ந்து பாராது - வாலிதா
ஊறுபா டில்லா உயர்தவம் தான்புரியின்
ஏறுமாம் மேலுலகம் ஓர்ந்து.      65

  1. எமன் ஈடுபாடு உள்ள உயிரை அறுத்தலைக் காணவேண்டும்.
  2. இளமையிலேயே முற்றும் உணர்ந்த பாலனாராக மாற வேண்டும்.
  3. நூலின் மேல் விருப்பம் கொள்ள வேண்டும்.
  4. நூல்களைப் பார்க்காமல் இருக்கக் கூடாது
  5. பார்க்காமல் இருந்தால் ஒன்றுமில்லா வெள்ளை ஆகிவிடுவான்.
  6. துன்பம் இல்லாத உயர்ந்த தவம் செய்ய வேண்டும்.

தவம் புரிந்தால் மேலுலகம் ஒருமையுடன் உறுதியாக ஏறலாம்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 64 Elati 64

உயர்ந்தான் தலைவன் என்று ஒப்புடைத்தா நோக்கி, உயர்ந்தான் நூல் ஓதி ஒடுங்கி, உயர்ந்தான் அருந் தவம் ஆற்றச் செயின், வீடு ஆம் என்றார்  பெருந் தவம் செய்தார், பெரிது.        64

உயர்ந்தான் தலைவனென் றோப்புடைத்தா நோக்கி
உயர்ந்தானூல் ஓதி ஒடுங்கி - உயர்ந்தான்
அருந்தவம் ஆற்றச் செயின்வீ டாமென்றார்
பெருந்தவம் செய்தார் பெரிது.    64

  1. உயர்ந்தவன், தலைவன் என்று ஒப்பிட்டு நோக்கி
  2. உயர்ந்தவன் நூலை ஓதி
  3. அடக்கத்துடன்
  4. உயர்ந்தவன்
  5. அரிய தவம் இயற்றினால்
  6. அதுவே “வீடு” ஆம்

என்று பெருந்தவம் செய்தவர்கள் கூறியுள்ளனர்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 63 Elati 63

ஊணொடு, கூறை, எழுத்தாணி, புத்தகம், பேணொடும் எண்ணும், எழுத்து, இவை மாணொடு கேட்டு எழுதி, ஓதி, வாழ்வார்க்கு ஈய்ந்தார் இம்மையான் வேட்டு எழுத வாழ்வார், விரிந்து.      63

ஊணொடு கூறை எழுத்தாணி புத்தகம்
பேணொடும் எண்ணும் எழுத்திவை மாணொடு
கேட்டெழுதி ஓதிவாழ் வார்க்கீய்ந்தார் இம்மையான்
வேட்டெழுத வாழ்வார் விரிந்து.              63

  1. எண்ணத்தில் உள்ள எழுத்து நூல்களை (எண்ணும் எழுத்து)

மாண்போடு கேட்டு எழுதி, படித்து, வாழ்வாருக்கு  
  1. உணவு
  2. உடை
  3. எழுத்தாணி
  4. புத்தகம்
  5. புத்தகம் வைக்கும் பெட்டி

அகியவற்றை இப்பிறவியில் கொடுத்து நூல்களை எழுதவைத்து வாழ்வார் விரிந்த புகழ் பெறுவர்.
 
புத்தகம் பேண் | பேணி | கட்டுப் பெட்டி
கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


ஏலாதி 62 Elati 62

கூத்தும், விழவும், மணமும், கொலைக் களமும், ஆர்த்த முனையுள்ளும், வேறு இடத்தும், ஒத்தும் ஒழுக்கம் உடையவர் செல்லாரே; செல்லின், இழுக்கம் இழவும் தரும்.     62

கூத்தும் விழவும் மணமும் கொலைக்களமும்
ஆர்த்த முனையுள்ளும் வேறிடத்தும் - ஒத்தும்
ஒழுக்கம் உடையவர் செல்லாரே செல்லின்
இழுக்கம் இழவும் தரும்.                62

  1. கூத்தாடுமிடம்
  2. விழா நடக்குமிடம்
  3. திருமணம் நடக்குமிடம்
  4. மன்னன் குற்றவாளியைக் கொல்லும் இடம்
  5. ஆரவாரமுள்ள போர்க்களம்
  6. பழக்கம் இல்லாத புதிய இடம்

ஆகிய இடங்களுக்கு வேதமும், வேதநெறி ஒழுக்கமும் உடையவர் செல்ல மாட்டார்கள். சென்றால், நெறி தவறும் இழுக்கமும், உயிர் இழப்பும் நேரும்.

கணிமேதாவியார் இயற்றிய ஏலாதி
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு


Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி