ஒட்டக்கூத்தர் நூல்கள்

"கோவை உலா அந்தாதிக்கு ஒட்டக்கூத்தர்" 

என்று இவர் ஒரு பாடலில் போற்றப்படுகிறார். 

கோவை, உலா, அந்தாதி ஆகியவை சிற்றிலக்கியங்கள். 

இவர் பாடியனவாகக்  கிடைக்கும் நூல்கள்

1. விக்கிரம சோழன் உலா
2. குலோத்துங்க சோழன் உலா
3. இராசராசன் சோழன் உலா
4. குலோத்துங்க சோழன் பிள்ளைத்தமிழ்
5. தக்கயாகப் பரணி
6. இராமாயண உத்தர காண்டம்

இவர் பாடிக் கிடைக்காத நூல்கள்

1. விக்கிரமன் மீது பாடிய கலிங்கத்துப் பரணி
2. அரும்பை தொள்ளாயிரம்
3. காங்கேயன் நாலாயிரக்கோவை
4. எதிர்நூல்

ஒட்டக்கூத்தர் பாடியிருக்கலாம் எனக் கருதத்தக்க நூல்கள் 

1. கண்டன் கோவை
2. கண்டன் அலங்காரம்
3. தில்லை உலா

இவர் பாடாமல் பாடியனவாகக் கூறப்படும் நூல்க்கள்

1. ஈட்டி எழுபது முதலானவை  

கோவை நூல்கள் 

• நாலாயிரக் கோவை, என்னும் நூல் இவரால் செய்யப்பட்டது என்பர். ஆனால் அது கிடைக்கவில்லை. 
• கண்டன் கோவை என்னும் நூலும் இவர் செய்திருக்கக் கூடும். ஆனால் இவை இரண்டும் கிடைக்கவில்லை.  

உலா நூல்கள்

1. மூன்று சோழர் அரசர்கள் மேல் பாடிய மூவர் உலா அச்சிடப்பட்டு நமக்குக் கிடைக்கிறது. 
2. தில்லை உலா நூலின் இறுதிப் பகுதி கிடைக்கவில்லை. முதல் பகுதி உள்ளது. 

அந்தாதி நூல்கள்

• இவர் பாடிய அந்தாதி நூல் எதுவும் கிடைக்கவில்லை. 

மு. அருணாசலம், தமிழ் இலக்கிய வரலாறு, 12ஆம் நூற்றாண்டு பாகம் 1, பார்க்கர் அச்சகம் பதிப்பு, 1973, பக்கம் 276