Sunday, 14 February 2016

விநாயகர் அகவல் Vinayakar Agaval 6

இருள்வெளி இரண்டு. ஒன்று நம் மனத்துக்குள் இருக்கும் இருள். மற்றொன்று அண்டவெளிப் பரப்பில் உள்ள இருள். இவை இரண்டுக்கும் இடம் ஒன்றுதான் என்பதைக் காட்டி அருள் பாலித்து ஆனந்தத்தில் என்னை மூழ்கடித்தார். என் காதுகளிலும் ஆனந்தம் பெருகும் கருத்துக்களை ஓதினார். என் துன்பத்தைப் போக்கி அருள் வழியைக் காட்டினார். சத்தத்தின் உள்ளே சதாசிவம் இருப்பதையும் சித்த நினைவலைக்குள்ளே சிவலிங்கம் இருப்பதையும் காட்டினார். (சதாசிவம் = காதுகளில் ஒலிப்பதெல்லாம் சிவம். சிவலிங்கம் = நினைவலைகள் எல்லாம் சிவம்)
சிவலிங்கம்

பாடல் - பொருள் நோக்குச் சொற்பிரிப்பு
பகுப்பு 6

இருள் வெளி இரண்டிற்கு ஒன்று இடம் என்ன
அருள் தரும் ஆனந்தத்து அழுத்தி என் செவியில் (60)
எல்லை இல்லா ஆனந்தம் அளித்து
அல்லல் களைந்தே அருள் வழி காட்டிச்
சத்தத்தின் உள்ளே சதாசிவம் காட்டிச்
சித்தத்தின் உள்ளே சிவலிங்கம் காட்டி

15 ஆம் நூற்றாண்டு ஔவையார் பாடிய விநாயகர் அகவல்

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி