Saturday, 2 May 2015

புறநானூறு 289

தண்ணுமை
இழிசினன்
இசைவாணன்
பாண, வாழி, கேட்டாயா செய்தி, தண்ணுமை (தமுக்கு) முழக்கிக்கொண்டு இழிசினன் (அரசாணை அறிவிக்கும் தண்ணுமை இசைக்கலைஞன்) சொன்னதை.
  • பாசறையில் இன்று பூக்கோள் (பூமி விரிவாக்கும் நாள்) – என்றான்.
  • (பூ = பூத்திருக்கும் நிலம் - ஒப்புநோக்குக - பூமாதேவி)
  • பூக்கோள் நாள் என்பது செல்லும் போர்த்தன்மைக்கு ஏற்ற அடையாளப் பூவைச் சூடும் விழாநாள் என்று பூறநானூற்றுப் பழைய உரைக்குறிப்பு கூறுகிறது. அவை வெட்சி, கரந்தை, வஞ்சி, காஞ்சி, உழிஞை, நொச்சி, தும்பை, வாகை என்பன.
ஈரநிலத்தை உழுவதற்குப் பயன்பட்ட பல எருதுகளுக்குள்ளே நல்ல எருதினைத் தனித்தனியாகப் பிரித்துப் பார்த்து நல்லேர் விழாக் கொண்டாட்டத்தில் ஏரில் பூட்டும் உழவனைப் போல 
  • முதுகுடியில் பிறந்த பலருள்ளும் சிறந்த வீரனைத் தெரிவுசெய்து “எனக்குப் பொன்னிற அகல்மண்டையில் முகந்தெடுத்த கள்ளையும் கறியையும் இவனுக்கே கொடுங்கள்” என்று ஒருவன் இவன்மீதுள்ள காதலால் சொல்வதையும் கேட்டாயா? 
அத்துடன் “ஆங்கே இருப்பதையும் இவனுக்கே கொடுங்கள்” என்கிறானே!  

பாடல் (சொற்பிரிப்புப் பதிவு)

ஈரச் செவ்வி உதவின ஆயினும்,
பல் எருத்துள்ளும் நல் எருது நோக்கி,
வீறு வீறு ஆயும் உழவன் போல,
பீடு பெறு தொல் குடிப் பாடு பல தாங்கிய
மூதிலாளருள்ளும், காதலின் 5
தனக்கு முகந்து ஏந்திய பசும் பொன் மண்டை,
'இவற்கு ஈக!' என்னும்; அதுவும் அன்றிசினே;
கேட்டியோ வாழி பாண! பாசறை,
'பூக் கோள் இன்று' என்று அறையும்
மடி வாய்த் தண்ணுமை இழிசினன் குரலே?                                10

திணை ...............; துறை ................முல்லை.
கழாத்தலையார் பாடியது.

காலம் : கி.மு. இரண்டாம் நூற்றாண்டு



No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி