Thursday, 16 April 2015

புறநானூறு 264

இது பரல்சுவர்
இப்படிச் சுவர் எழுப்பிக் கட்டிய
கோயில்தான் பதுக்கை
பதுக்கைக்குள் நடுகல்
பரல் கற்களை அடுக்கிக் கட்டிய பதுக்கைக் கோயிலில் நடுகல் நாட்டினர்.
மரல் நாரைக் கிழித்து செவ்விய மாலை தொடுத்து அணிவித்துள்ளனர்.
மயில் பீலியும் கட்டிவைத்துள்ளனர்.
நடுகல்லில் பெயரும் பொறித்துள்ளனர்.
இவன் பகைவர் ஓட்டிய ஆனிரைகளைக் கன்றொடு மீட்டுத் தந்தவன். 
இவன் இல்லாமல் போய்விட்டான் என்பதை அறியாமல் இவனிடம் முன்பு பரிசில் பெற்ற பாணர் குடும்பம் மீண்டும் பரிசில் பெறலாம் என்று எண்ணி இன்றும் வருவார்களோ!

பாடல் (சொற்பிரிப்புப் பதிவு)

பரலுடை மருங்கின் பதுக்கை சேர்த்தி,
மரல் வகுந்து தொடுத்த செம் பூங் கண்ணியொடு,
அணி மயில் பீலி சூட்டி, பெயர் பொறித்து,
இனி நட்டனரே, கல்லும்; கன்றொடு
கறவை தந்து பகைவர் ஓட்டிய 5
நெடுந்தகை கழிந்தமை அறியாது,
இன்றும் வரும்கொல், பாணரது கடும்பே?

திணை கரந்தை; துறை கையறுநிலை.
....................உறையூர் இளம்பொன் வாணிகனார் பாடியது.

காலம் : கி.மு. மூன்றாம் நூற்றாண்டு முதல் கி.பி. இரண்டாம் நூற்றாண்டு
ஆங்கிலத்தில் இதன் செய்தி
                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                            

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி