Sunday, 9 February 2020

கம்பராமாயணம் கவந்தன் படலம் - KambaRamayanam 3-12 56

விரிஞன் தனு 


வீர! கேள் என் பெயர் தனு 
கந்தருவன் சாபத்தால் இந்தப் பிறவி பெற்றேன் 
உங்களால் என் உருவம் பெற்றேன் 51

புணை இல்லாதவர் கடலைக் கடக்க முடியாது 
அதுபோல, துணை இல்லாதவர் பகையை வெல்ல முடியாது 52
அழிக்கும் சிவனே பூத கணங்களைத் துணையாகப் பெற்றிருக்கிறான் 53

தாய் சவரியைக் கண்டு அவள் சொல்லும் நெறியைப் பின்பற்றுங்கள் 54
கதிரவன் சிறுவனை நட்பாக்கிக் கொள்ளுங்கள்
என்று சொல்லிவிட்டு, தனு சென்றவிட்டான்.  55

இருவரும் மதங்கன் இருக்கைக்கு வந்தனர் 56

பாடல் 

'சந்தப் பூண் அலங்கல் வீர! தனு எனும் நாமத்தேன்; ஓர்
கந்தர்ப்பன்; சாபத்தால், இக் கடைப்படு பிறவி கண்டேன்;
வந்துற்றீர் மலர்க்கை தீண்ட, முன்னுடை வடிவம் பெற்றேன்,
எந்தைக்கும் எந்தை நீர்; யான் இசைப்பது கேண்மின்' என்றான் 51

'கணை உலாம் சிலையினீரைக் காக்குநர் இன்மையேனும்
இணை இலாள்தன்னை நாடற்கு ஏயன செய்தற்கு ஏற்கும்;
புணை இலாதவற்கு வேலை போக்கு அரிது; அன்னதேபோல்,
துணை இலாதவருக்கு இன்னா, பகைப் புலம் தொலைத்து நீக்கல் 52

'பழிப்பு அறு நிலைமை ஆண்மை பகர்வது என்? பதும பீடத்து
உழிப் பெருந்தகைமை சான்ற அந்தணன் உயிர்த்த எல்லாம்
அழிப்பதற்கு ஒருவன் ஆன அண்ணலும், அறிதிர் அன்றே,
ஒழிப்ப அருந் திறல் பல் பூத கணத்தொடும் உறையும் உண்மை? 53

'ஆயது செய்கை என்பது, அறத் துறை நெறியின் எண்ணி,
தீயவர்ச் சேர்க்கிலாது, செவ்வியோர்ச் சேர்ந்து, செய்தல்;
தாயினும் உயிர்க்கு நல்கும் சவரியைத் தலைப்பட்டு, அன்னாள்
ஏயது ஓர் நெறியின் எய்தி, இரலையின் குன்றம் ஏறி. 54

'கதிரவன் சிறுவன் ஆன கனக வாள் நிறத்தினானை
எதிர் எதிர் தழுவி, நட்பின் இனிது அமர்ந்து, அவனின் ஈண்ட,
வெதிர் பொரும் தோளினானை நாடுதல் விழுமிது' என்றான்,
அதிர் கழல் வீரர்தாமும், அன்னதே அமைவது ஆனார். 55

ஆனபின், தொழுது வாழ்த்தி, அந்தரத்து அவனும் போனான்;
மானவக் குமரர் தாமும் அத் திசை வழிக் கொண்டு ஏகி,
கானமும் மலையும் நீங்கி, கங்குல் வந்து இறுக்கும் காலை,
யானையின் இருக்கை அன்ன, மதங்கனது இருக்கை சேர்ந்தார் 56

கம்ப இராமாயணம் 
3 ஆரணிய காண்டம் 
12. கவந்தன் படலம்
கடவுள் கதையில் கனியும் கம்பன் தமிழ்

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி