Tuesday, 24 July 2018

வாழ்வியல் - இளமை கையறு நிலை History in Purananuru 243

கையறு நிலை.

தொடித் தலை விழுத்தண்டினார் பாடியது.
தொடித் தலை விழுத் தண்டு ஊன்றி, - என்று இந்தப் பாடலில் பயன்படுத்தப்பட்டுள்ள தொடரைக் கொண்டு இவருக்கு இந்தப் பெயர் சூட்டப்பட்டுள்ளது


இளமை மாண்டுபோனதே என்று வருந்தும் பாடல் இது

இனி நினைத்துப் பார்த்து என்ன பயன் 
நான் இளமையாக இருந்தபோது 

  • பாவை செய்து பூ சூட்டி மணலிலும் குளத்திலும் விளையாடிய மகளிர் கைகளைகளைப் பிடித்துக்கொண்டு 
  • விரும்பும்போதெல்லாம் தழுவி 
  • அயரும்போதெல்லாம் அவர்களுடன் தூங்கி 
அந்தத் திருட்டு விளையாட்டை மறைக்கத் தெரியாமல்

  • நீரில் தாழ்ந்திருந்த மருத மரத்தில் ஏறி 
  • கரையில் இருப்பவர்கள் மருளும்படியாக 
  • நீர் அலை கரையை மோதும்படியாக 
  • ஆழமான நீரில் பாய்ந்து 
  • அதன் அடியில் இருந்த மண்ணை அள்ளிக் கொண்டுவந்து 
  • மேலே இருப்பவர்களுக்குக் காட்டி விளையாடிய 

துடுக்குத்தனமான கல்லா இளமை
எங்கே போயிற்றோ தெரியவில்லை

  • தலை நடுங்குகிறது 
  • தடியை ஊன்றிக்கொண்டு நடக்கிறேன் 
  • நாக்கு நடுங்கி, வாயிலிருந்து சில சொற்களே வருகின்றன 

இப்படிப் பெருமுதுமை அடைந்திருக்கிறேன்
என் கல்லா இளமை எங்குப் போனதோ


முதுமை

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி