Sunday, 29 April 2018

தொல்காப்பியர் சொல் விளையாட்டு Word game of Tolkappiyar

தொல்காப்பியர் மரபுக்கு முதன்மை தருபவர்.

தொண்டு என்னும் சொல் ஒன்பதைக் குறிக்கும்.
இதனைத் தொல்காப்பியர் உணர்ந்திருந்தார்.
பயன்படுத்தியும் உள்ளார்.

மெய் பெறு மரபின் தொடை வகைதாமே
ஐ ஈர் ஆயிரத்து ஆறு ஐஞ்ஞூற்றொடு
தொண்டு தலை இட்ட பத்துக் குறை எழுநூற்று
ஒன்பஃது என்ப உணர்ந்திசினோரே. 97

ஐ ஈர் ஆயிரத்து ஆறு ஐஞ்ஞூறு = 5*2000 + 6*500 = 13000
ஒன்பதை மேலே வைத்த பத்துக் குறை எழுநூற்று ஒன்பஃது +9-10+709 = 708
13000+708=13708

பிற்காலப் பரிபாடல் தொண்டு என்பது ஒன்பதை உணர்த்தும் என்பதை எண்ணிக் காட்டுகிறது.
பாழ் என, கால் என, பாகு என, ஒன்று என,
இரண்டு என, மூன்று என, நான்கு என, ஐந்து என,
ஆறு என, ஏழு என, எட்டு என, தொண்டு என,
நால்வகை ஊழி எண் நவிற்றும் சிறப்பினை:              80 (பரிபாடல் 3)

தொண்டு என்னும் சொல் ஒன்பதைக் குறிக்கும் என்பதை உணர்ந்திருக்கும் தொல்காப்பியர்

  • தொண்டு + பத்து = தொண்பது = 90
  • தொண்டு + நூறு = தொண்ணூறு = 900
என்று இலக்கணம் காணவில்லை.

காரணம் மக்கள் வழக்கு வேறாக இருந்தது.

  • தொண்ணூறு = 90
  • தொள்ளாயிரம் = 900
மக்கள் வழங்கும் மொழிமரபை மாற்றி எவ்வாறு விதி கூறமுடியும்?
எனவே பொருத்தமில்லாத எழுத்து மாற்றங்களை அடுக்கி இலக்கணத்தோடு விளையாடுகிறார்.

ஒன்பான் ஒகரமிசைத் தகரம் ஒற்றும்
முந்தை ஒற்றே ணகாரம் இரட்டும்
பஃது என் கிளவி ஆய்த பகரம் கெட
நிற்றல் வேண்டும் ஊகாரக் கிளவி
ஒற்றிய தகரம் றகரம் ஆகும். 39 தொண்ணூறு = 90

ஒன்பான் முதல் நிலை முந்து கிளந்தற்றே
முந்தை ஒற்றே ளகாரம் இரட்டும்
நூறு என் கிளவி நகாரம் மெய் கெட
ஊ ஆ ஆகும் இயற்கைத்து என்ப
ஆயிடை வருதல் இகார ரகாரம்

ஈறு மெய் கெடுத்து மகாரம் ஒற்றும். 57 தொள்ளாயிரம் = 900


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.