Sunday, 29 April 2018

மரபு Usage

மரபு என்பது மாற்றமுடியாத சிறப்பினை உடையது.
மொழி முன்னோர் கூறிய மரபு வழியில் பேசப்படுகிறது.
மரபுநிலை திரிந்தால் மொழி பலவாகச் சிதையும்.
இதனைத் தொல்காப்பியர் "மாற்ற அருஞ் சிறப்பின் மரபு இயல்" என்று குறிப்பிடுகிறார்.

மேலும் தொல்காப்பியர் நூல்-மரபு, மொழிமரபு, தொகை-மரபு, விளி-மரபு, மரபியல் என்று தம் 27-ல் 5 இயல்களுக்குப் பெயர் சூட்டியுள்ளார்.

மொழியின் இயல்பினைப் பாகுபடுத்திக் காணும் பார்வையில் பகுத்தறிவுக்கு இடம் உண்டு. இந்த பகுத்தறிவு மொழியின் மரபுவழிக்கே என்பதை உணர்ந்துகொள்ள வேண்டும்.

உடலில் மரபணுவின் இயல்பும், தாக்கமும் இருக்கும்.
இதனை யாராலும் மாற்ற முடியாது.
செயல் பழக்கமாக மாறும்.
வழக்கத்தை ஒருவன் மாற்றலாம்.
மொழி ஒருவனுடையது அன்று.
பலருடையது.
எனவே மொழி வழக்கத்தை மாற்ற முடியாது.

தமிழ் வளமான மொழி.
எனவே பிறமொழிச் சொற்கள் சிலவற்றை சிலர் நீக்க முடியும்.
பிறரை நீக்க-வைக்க முடியாது.

மொழியில் முன்னோர் வழங்கிய பாங்கை மரபு என்கிறோம்.


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.