Saturday, 14 April 2018

தொல்காப்பியம் ன் ம் மயக்கம் Tolkappiyam Tamil Linguistics 23

உயிர்முதல்-சொல் வந்து புணரும்போது
ன் என்பதனை மொழியிறுதி எழுத்தாகக் கொண்டிருக்கும் சொல்
உயிர்மெய் எழுத்தினை முதலாகக் கொண்ட சொல்
வந்து புணரும்போது ம் என்னும் எழுத்தாக மாறும்.

அறன் எனப்பட்டதே இல்வாழ்க்கை
அறம் கூறும் ஆக்கம் தரும்

இப்படி வருமொழிக்கு ஏற்ப மயங்காத சொல் தொல்காப்பியர் காலத்தில் 9 மட்டுமே இருந்தன என்று அவருக்கு முன் இலக்கணம் சொன்னவர்கள் கூறினார்களாம்.

அழன் (தீச்சட்டி)
உகின் (நகம்)
கடான் (கடாவும் ஈட்டி)
குயின் (மேகம்)
செகின் (காளையின் திமில்)
பயின் (பிசின் என்னும் அரக்கு)
புழன் (பிணம்)
வயான் (பேறு காலத்தில் மகளிர்க்குத் தோன்றும் மண் உண்ணும் வேட்கை)
விழன் (பழுதான பொருள்கள்)

தொல்காப்பியத்துக்கு உரை எழுதும் இளம்பூரணர் இந்த 9 சொற்களைக் காட்டுகிறார்.
தொல்காப்பியத்துக்கு உரை எழுதும் நச்சினார்க்கினியர் உகின் என்னும் சொல்லை விட்டுவிட்டு

எகின் (புளி, அன்னப்பறவை, - தொல்காப்பியம்)

என்னும் சொல்லைக் காட்டுகிறார்.


நூற்பா மூலம்

மகரத் தொடர்மொழி மயங்குதல் வரைந்த
னகரத் தொடர்மொழி ஒன்பஃது என்ப
புகர் அறக் கிளந்த அஃறிணை மேன    82. 

தொல்காப்பியம் - 1 எழுத்ததிகாரம் - 2 மொழி மரபு (சொல்லில் எழுத்தொலி அமையும் வழக்கம்)


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.