Sunday, 29 April 2018

தொடைவகை தொல்காப்பியம் இளம்பூரணர் கணக்கு Rhyme in Tamil Prosody

தொடை வகை எத்தனை என்பதைத் தொல்காப்பியர் கணக்கிட்டுச் சொல்கிறார்.

இதில் ஒரு சொல்கட்டுமானம் நடக்கிறது.

தொல்காப்பியம் செய்யுளியல் நூற்பா

மெய் பெறு மரபின் தொடை வகைதாமே
ஐ ஈர் ஆயிரத்து ஆறு ஐஞ்ஞூற்றொடு
தொண்டு தலை இட்ட பத்துக் குறை எழுநூற்று
ஒன்பஃது என்ப உணர்ந்திசினோரே. 97

தொல்காப்பியத்துக்கு உரை எழுதும் இளம்பூரணர் தன் தமிழ்ப்புலமை வெளிப்படுமாறு இதற்கு ஒரு விளக்கம் தருகிறார்.

இந்த எண்ணிக்கை தொல்காப்பியர் குறிப்பிடும் எண்-கட்டுமானத்தோடு தொடர்புடையதாக அமையவில்லை.

வடிவுபெற்ற மரபினையுடைய தொடையினது பாகுபாடு பதின்மூவாயிரத்தறு நூற்றுத்தொண்ணூற் றொன்பது என்றவாறு.  இளம்பூரணர் கணக்கீடு தொடைவகை 13699

அவையாமாறு

மொழிமுதலாகிய எழுத்து உயிர் பன்னிரண்டு. இதன்கிளை யெழுத்து ஒரோவொன்றிற்குப் பதினொன்றுளவாகலின் அவற்றை உறழ. நூற்று முப்பத்திரண்டாம். 132

'கதநபம' என்பவற்றை உயிர் பன்னிரண்டோடுறழ அறுபதாம் 60
அவ்வறுபதையும் முதற்றொடையாக்கிக் கிளையெழுத்தோடுறழ 
அறுநூற்றறுபதாம். முதல்-தொடையின் கிளை-எழுத்து 6 \ இதனோடு உறழ 60*6=360

சகரத்தின் முதலாகெழுத்து ஒன்பது; அவற்றைக் கிளையெழுத்தோடுறழ எழுபத்திரண்டாம். 9*8=72

வகரத்தின் முதலாகெழுத்து எட்டு; அவற்றைக் கிளையெழுத்தோடுறழ ஐம்பத்பத்தாறாம். 8*7=56

யகரத்தின் முதலாகெழுத்து ஒன்று; கிளையெழுத்தில்லை. 1
ஞகரத்தின் முதலாகெழுத்து மூன்று; 3
அவற்றைக் கிளையெழுத்தோடுறழ ஆறாம். 6
இவ்வகையினான் முதலெழுத்துத் தொண்ணூற்றுமூன்றும்  93
கிளையெழுத்துத் தொளாயிரத்திருபத்தாறும் 920
ஆக மோனைத்தொடை ஆயிரத்தொருபத் தொன்பதாம். 1109

எதுகையாமாறு;- 
உயிரெழுத்து மொழியிடையில் வாராது. உயிர் மெய்யெழுத்து இருநூற்றொருபத்தாறில் 216
ஙவ்வருக்கம் ஒழிந்த எழுத்து இரு நூற்றுநாலினையும் 204
கிளையெழுத்தினோடு உறழ இரண்டாயிரத்து நானூற்று நாற்பத்தெட்டாம் 2248
இதனொடு ஒற்றுப் பத்தொன்பதூம் 19
குற்றுகரம் ஆறும் 6
கூட்ட எதுகைத்தொடை இரண்டாயிரத்து நானூற்று எழுபத்துமூன்று பாகுபாடாம். 2473

முரண்தொடை சொன்முரண் பொருண்முரண் என இரண்டாம். 2

இயைபுத்தொடையாமாறு;- உயிரெழுத்து மொழியீற்றின்கண் உயிர் மெய்யாகி வருதலின் அவையாகா உயிர்மெய் இருநூற்றொருபத்தாறில்  216 -ல்
இறுதிக்கண் வாராத ஙகரவுயிர்மெய் பன்னிரண்டும் 12
அகரம் பதினேழும் 17 -ம்
இகரம் பதினாலும் 14 -ம்
உகரம் இரண்டும் 2 -ம்
எகரம் ஒன்றும் 1 -ம்
ஒகரம் ஒன்றும் 1-ம்
இவை ஒழிந்து நின்ற எழுத்து நூற்றறுபத்தைந்தும் 165
ஞணநமனயரலவழள என்னும் புள்ளியிறுதி பதினொன்றும்; 12
குற்றுகரவீறு ஆறும் 6
ஆக இயைபுத் தொடை நூற்றெண்பத்திரண்டு பாகுபாடம். 182

அளபெடைத்தொடையாமாறு;- 
மொழிமுதலாகு முயிரளபெடை ஏழு. 7
கதநபம என்னும் உயிர்மெய்யளபெடை முப்பத்தைந்து. 35
சகர அளபெடை ஐந்து, 5
வகர அளபெடைஐந்து, 5
யகர அளபெடை இரண்டு, 2
இவை ஐம்பத்துநான்கில் 54-ல்
உயிரளபெடை தனிநிலையாம் , ஏனையவற்றை முதனிலை இடைநிலை இறுதிநிலை எனவுறழ நூற்றுநாற்பத்தொன்றாம்   141
ஒற்றுக்களுள் வல்லெழுத்தாறும் 6-ம்
மகரமும் ழுகரமும் ஒழித்து ஏனைய பதினொன்றும் 11-ம்
அளபெடுக்க ஒற்றளபெடை பதினொன்றாம். 11
இவ்வகையினான் அளபெடைத் தொடை நூற்றைம்பத்தொன்பது வகையாம். 151

இவ்வகையினோடு இத்தொடை மூவாயிரத் தெண்ணூற்று முப்பத்தைந்து வகையாம். 3835

பொழிப்புத் தொடையிற் கிளையெழுத்து வாராது.

மோனைப்பொழிப்புத் தொண்ணூற்றுமூன்று, 93
எதுகைப்பொழிப்பு இருநூற்றிருபத் தொன்பது, 221
முரண்பொழிப்பு இரண்டு, 2
இயைபுப்பொழிப்பு நூற்றெண்பத்திரண்டு; 182
அளபெடையுள் ஒற்றளபெடை பொழிப்பாகி வாராமையின் உயிரளபெடைப் பொழிப்பு நூற்று நாற்பத்தெட்டு, 148
இவையெல்லாங் கூட்டப் பொழிப்புத்தொடை அறுநூற்றைம்பத்து நூலு வகையாம். 654

ஒரூஉத்தொடையும் இவ்வகையினால் அறுநூற்றைம்பத்து நாலாம். 654

இனிச் செந்தொடையாமாறு 
மொழிமுதலாகும் எழுத்துத் தொண்ணூற்று மூன்று. 93
மற்றையடியினு மொத்து வருங்கால் அவை மோனையுள் அடங்குதலின் அவற்றை ஒழித்து ஏனை யெழுத்துத் தொண்ணூற்றிரண்டோடும் 92*
உறழ 
எண்ணாயிரத்தைந் நூற்றைம்பத்தாறு வகையாம். 8556

இவ்வகையினால் தொடைவிகற்பம் பதின்மூவாயிரத் தறுநூற்றுத் தொண்ணூற்றொன்பதாம். 13,699

நச்சினார்க்கினியார் கருத்து


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.