Wednesday, 2 August 2017

திணைமாலை 112 Tinaimalai 112

தேரோன் மலைமறையத் தீங்குழல் வெய்தாக
வாரான் விடுவானோ வாட்கண்ணாய் - காரார்
குருந்தோடு முல்லை குலைத்தனகாண் நாமும்
விருந்தோடு நிற்றல் விதி.

பருவ வரவு காட்டித் தலைவியைக் கலங்காமல் இருக்கும்படித் தோழி கூறுகிறாள்.

ஒற்றைச் சக்கரத் தேரில் வரும் கதிரவன் மலையில் மறைகிறான். 
இனிய புல்லாங்குழல் ஓசை விருப்பம் ஊட்டும் வகையில் கேட்கிறது. 
வாள் போன்று ஒளி வீசும் கண்ணை உஉடையவளே!
அவன் வாராமல் விட்டுவிடுவானா? 
கார் காலத்தில் குருந்து, முல்லை பூக்கள் குலைந்து நிறைந்து பூத்திருப்பதைப் பார். 
அவற்றோடு சேர்ந்து நாமும் திரும்பி வரும் அவருக்காக விருந்தெதிர்கொண்டு நிற்றல் நம் கடமை. 

கணிமேதாவியார் இயற்றிய திணைமாலை நூற்றைம்பது - முல்லை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி