Wednesday, 2 August 2017

திணைமாலை 111 Tinaimalai 111

காந்தள்
வெண்காந்தள்
கோடல்
கானம் கடியரங்காக் கைம்மறிப்பக் கோடலார்
வானம் விளிப்பவண் (டி)யாழாக - வேனல்
வளரா மயிலாட வாட்கண்ணாய் சொல்லாய்
உளராகி உய்யும் வகை.

முல்லைநிலக் காடு ஆடும் அரங்கு ஆக, 
கோடல் என்னும் வெண்காந்தள் மலர்கள் கைகளாக இருந்து தடுத்து நிறுத்த, 
வானம் இடி முழங்கும் பாட்டு அழைப்பு விடுக்க, 
வண்டுகள் யாழிசை கூட்ட, 
வேனில் காலம் கண்டு மயில் ஆட, 
வாளைப் போன்ற கண்ணை உடையவளே!
காதலனைப் பிரிந்திருப்பவர் சாகாமல் பிழைத்திருக்கும் வகை ஏதாவது இருந்தால் சொல்லாய்.

பருவம் கண்டு ஆற்றாத தலைவி தன் தோழியிடம் இவ்வாறு சொல்லிப் புலம்புகிறாள். 

கணிமேதாவியார் இயற்றிய திணைமாலை நூற்றைம்பது - முல்லை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி