Monday, 31 July 2017

திணைமாலை 88 Tinaimalai 88

அல்லாத என்னையும் தீரமற் றையன்மார்
பொல்லாத்தார் என்பது நீபொருந்தா - எல்லார்க்கும்
வல்லி ஒழியின் வகைமைநீள் வாட்கண்ணாய்
புல்லி ஒழிவன் புலந்து.

என் போக்கில் விடாத என் தாயும், 
தீர்க்கமாக என் தந்தை, அண்ணன் ஆகிய ஐயன்மாரும், 
பொல்லாதார் என்று நீ கூறுவது பொருந்தாது. 
எல்லாருக்கும் ‘வல்லி’ நான். 
நான் ஒழிந்துபோனால் என்ன? 
வகைமையாக நீண்டு வாள் போல் தோன்றும் கண்ணை உடையவளே!
அவர்களிடம் புலவி வெறுப்போடு செல்கிறேன். 
என்றாலும் அவர்களைத்  தழுவிவிட்டுதான் செல்வேன். 

தலைவனுடன் செல்லும் தலைவி தன் தோழியிடம் இவ்வாறு சொல்கிறாள்.

கணிமேதாவியார் இயற்றிய திணைமாலை நூற்றைம்பது - பாலை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி