Monday, 31 July 2017

திணைமாலை 83 Tinaimalai 83

செல்பவோ சிந்தனையும் ஆகாதால் நெஞ்செரியும்
வெல்பவோ சென்றார் வினைமுடிய  - நல்லாய்
இதடி கரையும்கல் மாபோலத் தோன்றி
சிதடி கரையும் திரிந்து.

செல்கிறாரா 
நினைத்துப் பார்க்கக் கூட முடியவில்லை 
நினைத்தால் நெஞ்சே  பற்றி எரிகிறது. 
வெற்றி கொள்ளவா சென்றார் 
எடுத்துக்கொண்ட  செயல் நிறைவேறச் சென்றுள்ளார் 
நல்லவளே 
பெண் காட்டெருமைகள் ஆண் எருமையை அழைத்துக் கதறும் 
மலையில் இருக்கும் கல்லை ஆண் எருமை என மயங்கிக் கதறும். 
சில்லு-வண்டுகளும் அங்கு ஆணும் பெண்ணும் அழைக்கும் ஒலி எழுப்பும். 

பிரிவை எண்ணிக் கலங்கும் தலைவி தோழியிடம் சொல்கிறாள்.

கணிமேதாவியார் இயற்றிய திணைமாலை நூற்றைம்பது - பாலை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி