Monday, 31 July 2017

திணைமாலை 82 Tinaimalai 82

தலைவியும் தோழியும்
ஆண்கடன் ஆமாற்றை ஆயுங்கால் ஆடவர்க்குப்
பூண்கடனாப் போற்றி புரிந்தமையால் - பூண்கடனாப்
செய்பொருட்குச் செல்வரால் சின்மொழி நீசிறிது
 நைபொருட்கண் செல்லாமை நன்று.

உலகியல் கூறித் தோழி தலைவியைத் தேற்றுகிறாள். 

ஆண்மகனின் கடமை என்பது என்ன என்று ஆராய்ந்து பார்க்கும்பொழுது 
ஆடவர் தாம் பூண்டிருக்கும் கடமையையே போற்றிச் செய்ய வேண்டும். 
அதனைச் செய்யவே அவரும் பொருள் செய்யச் செல்ல உள்ளார். 
சிலவாகிய ஆசை மொழிகளைப் பேசுபவளே 
நீ சற்றே நொந்துகொள்ளாமல் இருப்பது நல்லது. 

கணிமேதாவியார் இயற்றிய திணைமாலை நூற்றைம்பது - பாலை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி