Monday, 31 July 2017

திணைமாலை 74 Tinaimalai 74

புன்புறவே சேவலோ டூடல் பொருளன்றால்
அன்புற வேயுடையார் ஆயினும் - வன்புற்(று)
இதுகாண் அகன்ற வழிநோக்கிப் பொன்போர்த்(து)
இதுகாண்என் வண்ணம் இனி.

சிறிய பெண்-புறாவே 
நீ உன் சேவலோடு ஊடுவது பொருளற்ற செயல். 
என் காதலர் என் மீது அன்புடையவர் ஆயினும் என்னை வற்புறுத்தி இங்கேயே விட்டுவிட்டு அகன்று சென்றுவிட்டார். 
இதோ பார். 
அவர் வரும் வழியை நோக்கி என் மேனி பொன்னிறப் பசலை பூத்துக் கிடக்கிறது. 

காமத்தால் மயங்கித் தலைவி புறாவிடம் சொல்லிப் புலம்புகிறாள். 

கணிமேதாவியார் இயற்றிய திணைமாலை நூற்றைம்பது - பாலை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி