Monday, 31 July 2017

திணைமாலை 72 Tinaimalai 72

முகம்தா மரைமுறுவல் ஆம்பல்கண் நீலம்
இகந்தார் விரல்காந்தள் என்(று)என்(று) - உகந்தியைந்த
மாழைமா வண்டிற்கா நீழல் வருந்தாதே
ஏழைதான் செல்லும் இனிது.

முகம் தாமரை 
வாயின் புன்முறுவல் ஆம்பல் மலர் 
கண் நீல மலர் 
விரிந்திருக்கும் விரல் காந்தள் 
என்று  அந்த மலர்களை விரும்பி 
பொன்வண்டு வந்து மொய்க்கும் காட்டு நிழலில் 
அந்தத் தகைமை உடைய பெண் (ஏழை) இனிதாகச் செல்வதை நாங்கள் பார்த்தோம். வருந்தவேண்டாம். 

உடன்போகும் காதலரைக் கண்டவர் தேடி வரும் செவிலிக்குச் சொல்கின்றனர்.

கணிமேதாவியார் இயற்றிய திணைமாலை நூற்றைம்பது - பாலை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி