Monday, 31 July 2017

திணைமாலை 67 Tinaimalai 67

முருக்கம் பூ
வெறுக்கைக்குச் சென்றார் விளங்கிழாய் தோன்றார்
பொறுக்கவென் றாற்பொறுக்க லாமோ -  ஒறுப்பபோல்
பொன்னுள் உறுபவளம் போன்ற புணர்முருக்கம்
என்னுள் உறுநோய் பெரிது.

பருவம் கண்டு ஆற்றாளாய தலைமகள் தோழிக்குச் சொன்னது

"விளங்கும் அணிகலன் பூண்டவளே, அவர் ணெல்வம் தேடிக்கொண்டு வருவதற்காகச் சென்றுள்ளார். இப்போது தோன்ற மாட்டார். பொறுத்துக்கொள்" என்று நீ சொன்னால் என்னால் பொறுத்துக்கொள்ள முடியவில்லேயே. பொன்னில் பவளம் பதித்துத் தோன்றும் அணிகலன் போலக் கொத்தாக முருக்கம் பூ பூத்துக் கிடக்கிறது. அவர் வரும் பருவம் ஆயிற்றே. அவர் வரவில்லையே என்று எனக்குள் தோன்றும் துன்பம் பெரிதாக இருக்கிறதே.  

கணிமேதாவியார் இயற்றிய திணைமாலை நூற்றைம்பது - பாலை 

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி