Sunday, 16 July 2017

திணைமாலை 128 Tinaimalai 128

வயந்தகம்
செந்தா மரைப்பூ உறநிமிர்ந்த செந்நெல்லின்
பைந்தார்ப் புனல்வாய்ப்பூந் தாடுவார் - அந்தார்
வயந்தகம்போல் தோன்றும் வயலூரன் கேண்மை
நயந்தகன்(று) ஆற்றாமை நன்று.

வயலில் பூத்திருக்கும் செந்தாமரைப் பூ விளைந்திருக்கும் நெல்லின் உயரத்தில் நிமிர்ந்திருக்கிறது.
பசுமையான புதிய மாலை அணிந்துகொண்டு புனலாடும் மகளிர் தலையில் சூடியிருக்கும் வயந்தகம் போல அது தோன்றுகிறது.
அப்படித் தோன்றும் வயலை உடைய ஊரன் அவன்.
அவன் நட்பினை விரும்பி அவன் அகன்று நான் வாழாமல் இருப்பதே நல்லது.

தலைவன் பரத்தையிடம் பிரிந்து வாழும் காலத்துத் தலைவி இவ்வாறு கூறுகிறாள்.

கணிமேதாவியார் இயற்றிய திணைமாலை நூற்றைம்பது - மருதம்

No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி