Friday, 31 March 2017

திணைமாலை நூற்றைம்பது 36 TinaiMalai 36

முருகுவாய் முள்தாழை நீள்முகைப்பார்ப் பென்றே
குருகுவாய்ப் பெய்திரை கொள்ளா துருகிமிக
இன்னா வெயில்சிற கால்மறைக்கும் சேர்ப்பநீ
மன்னா வரவு மற  36
தோழி வரைவு கடாயது
மணமுள்ள வாயைக் கொண்ட முள் இருக்கும் நீண்ட தாழம்பூவை,
தன் குஞ்சு என்று எண்ணிக்கொண்டு,
குருகுப் பறவை அதன் வாயில் தான் அதற்குக் கொண்டுவந்த இரையைப் பெய்து ஊட்ட,
அது கொள்ளாதது கண்டு மனம் உருகி,
வெயிலின் கொடுமையால் அது உண்ணவில்லை என்று கருதி,
தன் சிறகால் நிழல் தந்து மறைக்கும் சேர்ப்பு நிலத் தலைவன் நீ.
நிலையில்லாமல் அவ்வப்போது வந்து போதலை மறந்துவிடு.
திருமணம் செய்துகொள்.   
தற்குறிப்பேற்ற அணி
நெய்தல்
கணிமேதாவியார் இயற்றிய திணைமாலை நூற்றைம்பது
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு.


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி