Friday, 31 March 2017

திணைமாலை நூற்றைம்பது 34 TinaiMalai 34

தாமரைதான் முகமா தண்ணடையீர் மாநீலம்
காமர்கண் ணாகக் கழிதுயிற்றும் - காமருசீர்த்
தண்பரப்ப பாயிருள் நீவரின்தாழ் கோதையாள்
கண்பரப்பக் காணீர் கசிந்து.                            34
புணர்ந்து நீங்கும் தலைமகனைக் கண்ணுற்று நின்ற தோழி வரைவு கடாயது
தாமரை முகமாக,
தண்ணிய இலைகளை உடைய ஈரமான கருநிற நீலமலர் காதல் உண்டாக்கும் கண்ணாக,
கழியைத் தூங்கவைத்துக்கொண்டிருக்கும்
அழகு வளைத்துப் போட்டுக்கொண்டிருக்கும் சிறப்பு மிக்க தண்ணிய நீர்நிலப் பரப்பினை உடையவனே,
பாயும் இருளில் நீ வருவதால்,
தாழ்ந்த கூந்தலை உடைய இவள் கண்ணில் நீர் கசிந்து பரந்தோடுவதை நீயே காண்.

நெய்தல்
கணிமேதாவியார் இயற்றிய திணைமாலை நூற்றைம்பது
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு.


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி