Friday, 31 March 2017

திணைமாலை நூற்றைம்பது 19 TinaiMalai 19

பாலொத்த வெள்ளருவி பாய்ந்தாடிப் பல்பூப்பெய்
தாலொத்த ஐவனம் காப்பாள்கண் - வேலொத்தென்
நெஞ்சம்வாய்ப் புக்கொழிவு காண்பானோ காண்கொடா
அஞ்சாயற் கேநோவல் யான்.  19

பின்னின்ற தலைமகன் தோழி குறை மறாமல் தனது ஆற்றாமை மிகுதி சொல்லியது

பால் போன்ற அருவியில் பாய்ந்து ஆடிய பின்னர், பல பூக்களைப் பெய்து வைத்திருப்பது போல விளைந்திருக்கும் ஐவன வெண்ணெல்லைக் காக்கும் அவளுடைய கண்ணானது, வேல் போல் என் நெஞ்ச வாயில் புகுந்து ஒழிந்தது. அதனைக் காண்பான், ஓ!, நோகிறேன். அவள் என் கண்ணில் அவளது அழகிய சாயலைக் காட்டவில்லை. அதற்காக நான் நோகிறேன். தலைவியைத் தனக்கு உதவும்படித் தலைவன் தோழியை வேண்டுகிறான்.   

குறிஞ்சி
கணிமேதாவியார் இயற்றிய திணைமாலை நூற்றைம்பது
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு.


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி