Monday, 27 February 2017

திணைமாலை நூற்றைம்பது 10 TinaiMalai 10

கருவிரல் செம்முக வெண்பல் சூல்மந்தி
பருவிரலால் பைஞ்சுனை நீர்தூஉய் பெருவரைமேல்
தேன்தேவர்க்கு ஓக்கும் மலைநாட வாரலோ
வான்தேவர் கொட்கும் வழி         10
தோழி நெறி விலக்கியது

கருநிற விரல்களும், சிவந்த முகமும், வெண்ணிறப் பற்களும் கொண்ட மந்தி
கருவுற்றிருக்கும் மந்தி
தன் பெரிய விரல்களால் சுனையில் உள்ள நீரை அள்ளித் தூவும்.
தேவர்க்குப் பூசை செய்வது போலத் தூவும்.
அந்த மலையில் தேவர்களுக்கு வழங்குவது போலத் தேனானது கூடு கட்டியிருக்கும்.
இப்படிப்பட்ட மலைநாட்டை உடையவனே!
வானுலகத் தேவர் நடமாட்டம் உள்ள வழியில் நீ வரவேண்டாம்.
பெண் அணங்கால் துன்பம் நேரும்.

குறிஞ்சி
கணிமேதாவியார் இயற்றிய திணைமாலை நூற்றைம்பது
யாப்பு – வெண்பா
காலம் – சங்கம் மருவிய கி. பி. மூன்றாம் நூற்றாண்டு.



No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி